قازاقستاننىڭ حالىق ءارتىسى روزا رىمباەۆانىڭ ۇلى، وتاندىق ءانشى الي وكاپوۆ جانكۇيەرلەرىنىڭ تويلار مەن كورپوراتيۆتەردە ونەر كورسەتۋ تۋرالى سۇراعىنا جاۋاپ بەردى، دەپ حابارلايدى infohub.kz سايتى.
ءانشى جاۋابىن Instagram پاراقشاسىندا جاريالادى. ونىڭ ايتۋىنشا، مۇنداي سۇراقتار ونى تاڭقالدىرادى.
«جەكە ءانشى رەتىندە ءوزىمدى بىلگەننەن بەرى، ال ساحنادا 15 جىلعا جۋىق ۋاقىت ءوتتى، ءبىرىنشى جىلدان باستاپ بارلىق جەردە ونەر كورسەتتىم، ويتكەنى مەن ساحنانى جالپى بولمەيمىن. شىنىمدى ايتسام، ماعان ءبارىبىر: 50 ادامعا ارنالعان توي ما، الدە 50 مىڭ ادامعا جينالعان Open air پا. مىندەت ءبىر-اق: ءان سالىپ، بي بيلەپ، كوڭىل-كۇي سىيلاۋ. كوڭىل-كۇيدى كوتەرۋ نەمەسە كەرىسىنشە، ءتۇسىرۋ (كۇلەدى — رەد. ەسكەرتپەسى). جالپى، ەموسيا سىيلاۋ. سوندىقتان جۇمىسىمنىڭ ماڭىزدى بولىگى — جەكە ءىس-شارالار: تويلار، مەرەيتويلار، كورپوراتيۆتەر. مەن بۇعان تاماشا قارايمىن. بىرىنشىدەن، بۇل — تابىس كوزى، ەكىنشىدەن، كونسەرتتەردە الا المايتىن ەموسيا زاريادىن ادامدارمەن بىرگە بولعاندا الاسىڭ»، — دەدى الي وكاپوۆ.
بۇعان دەيىن الي وكاپوۆ پەن اقەركە بۇركىتباي ءۇندى كينوكەيىپكەرلەرىنىڭ بەينەسىندە جەلىنى باعىندىرعانىن جازعان بولاتىنبىز.