باتىس قازاقستان وبلىسىندا كوللەدج ستۋدەنتى مەن ونىڭ اكەسى اليمەنت داۋىن بەيبىت جولمەن شەشتى: ەر ادام وقۋ كەزەڭىندە ۇلىنا اي سايىن 40 مىڭ تەڭگە تولەيتىن بولدى، دەپ حابارلايدى infohub.kz سايتى.
باتىس قازاقستان وبلىستىق سوتتارىنىڭ رەسمي Telegram-ارناسىندا حابارلانعانداي، قازتالوۆ اۋداندىق سوتى ۇلىنىڭ اكەسىنە وقۋ كەزەڭىندە اليمەنت ءوندىرۋ تۋرالى تالاپ ارىزىن قارادى.
تالاپ قويۋشى كۇندىزگى بولىمدە كوللەدجدە وقيتىنىن مالىمدەپ، اكەسىنەن وقۋ ۋاقىتىندا اليمەنت ءوندىرۋدى سۇرادى.
ءىستى ءمانى بويىنشا قاراۋعا دەيىن تاتۋلاستىرۋشى سۋديا تاتۋلاستىرۋ ءراسىمىن جۇرگىزىپ، تاراپتارعا داۋدى بەيبىت جولمەن شەشۋ مۇمكىندىگىن ءتۇسىندىردى.
ناتيجەسىندە تاراپتار بىتىمگەرشىلىك كەلىسىم جاساپ، ونى سوتقا بەكىتۋگە ۇسىندى.
كەلىسىم شارتتارى بويىنشا اكەسى 2026 جىلعى 25 قىركۇيەكتەن 2027 جىلعى 25 ماۋسىمعا دەيىن ۇلىنا اي سايىن 40 مىڭ تەڭگە تولەۋگە مىندەتتەندى. كەلىسىم جاسالعاننان كەيىن تالاپ قويۋشى تالابىنان باس تارتتى.
سوت تاراپتاردىڭ كەلىسىمىن بەكىتىپ، ءىس بويىنشا ءىس جۇرگىزۋدى توقتاتتى جانە تاراپتارعا قۇقىقتىق سالدارلاردى ءتۇسىندىردى.
سوت ۇيعارىمى زاڭدى كۇشىنە ەنگەن جوق.