قازاقستان پرەزيدەنتى قاسىم-جومارت توقايەۆ پرەزيدەنت ءىس باسقارماسى باسشىسىنىڭ ورىنباسارىن تاعايىنداۋ تۋرالى وكىمگە قول قويدى. بۇل لاۋازىمدى سول ۆەدومستۆونىڭ اپپاراتىن باسقارعان الماس يساكوۆ يەلەندى، دەپ حابارلايدى infohub.kz سايتى.
«مەملەكەت باسشىسىنىڭ وكىمىمەن يساكوۆ الماس سەرىك ۇلى قازاقستان رەسپۋبليكاسى پرەزيدەنتى ءىس باسقارماسى باسشىسىنىڭ ورىنباسارى بولىپ تاعايىندالدى»، — دەپ مالىمدەدى اقوردادا.
الماس يساكوۆ 1985 جىلى 25 مامىردا دۇنيەگە كەلگەن. ول ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن جانە ۇلىبريتانياداعى ەكزەتەر ۋنيۆەرسيتەتىن بىتىرگەن، «بولاشاق» باعدارلاماسى بويىنشا وقىعان.
ەڭبەك جولىن 2009 جىلى استانانىڭ كەدەندىك باقىلاۋ دەپارتامەنتىندە باستادى. سودان كەيىن ەكى جىل الماتىنىڭ سالىق دەپارتامەنتىندە جۇمىس ىستەدى. 2012–2014 جىلدارى قارجى مينيسترلىگى مەن ەكونوميكالىق دامۋ جانە بيۋدجەتتىك جوسپارلاۋ مينيسترلىگىندە ساراپشى جانە باس ساراپشى قىزمەتتەرىن اتقاردى.
كەيىن يساكوۆ ۇلتتىق ەكونوميكا مينيسترلىگىنە اۋىستى. وندا سالىق ساياساتى باسقارماسىن باسقارىپ، كەيىن كاسىپكەرلىكتى مەملەكەتتىك قولداۋ دەپارتامەنتى ديرەكتورىنىڭ ورىنباسارى بولدى.
2019 جىلى يساكوۆ پرەمەر-مينيستر كەڭسەسىندە جۇمىس ىستەدى. ودان كەيىن ەكى جىل ساۋدا جانە ينتەگراسيا مينيسترلىگىنىڭ ستراتەگيا دەپارتامەنتىن باسقاردى. 2021 جىلدىڭ اقپانىنان 2023 جىلدىڭ قاڭتارىنا دەيىن پرەزيدەنت اكىمشىلىگىندە قارجى نارىقتارى سەكتورىن مەڭگەردى.
سودان سوڭ يساكوۆ باسەكەلەستىكتى قورعاۋ جانە دامىتۋ اگەنتتىگىنىڭ اپپاراتىن باسقاردى. قازىرگى تاعايىنداۋعا دەيىن پرەزيدەنت ءىس باسقارماسىنىڭ اپپاراتىن باسقارعان.
بۇعان دەيىن قاسىم-جومارت توقايەۆ قازاقستان ءسىم باسشىسىنىڭ جاڭا ورىنباسارىن تاعايىنداعان ەدى.