2026 جىلعى 25 شىلدەدەن باستاپ الماتىدا №61، 218 جانە 238 اۆتوبۋس باعىتتارىنىڭ قوزعالىس سحەماسى وزگەرەدى. بۇل شەشىمدى قالالىق جول قوزعالىسىن جانە جولاۋشىلار كولىگىن ۇيىمداستىرۋ باسقارماسى قابىلدادى. وزگەرىستەر ساين كوشەسىنىڭ رىسقۇلوۆ داڭعىلىنان اقىن سارا كوشەسىنە دەيىنگى جاڭا ۋچاسكەسىنىڭ اشىلۋىنا، سونداي-اق رىسقۇلوۆ داڭعىلىنان مۇستافين كوشەسىنە دەيىنگى بولىكتە قوعامدىق كولىككە ارنالعان بولىنگەن جولاقتىڭ ىسكە قوسىلۋىنا بايلانىستى، دەپ حابارلايدى inbusiness.kz.
تۇزەتۋلەر قوعامدىق كولىكتىڭ جىلدامدىعى مەن تۇراقتىلىعىن ارتتىرۋعا، سونداي-اق جاڭارتىلعان كوشە-جول جەلىسىن ءتيىمدى پايدالانۋعا باعىتتالعان. وزگەرىستەر تۇراقتى نەگىزدە قولدانىلاتىن بولادى.
باعىتتاردىڭ جاڭا سحەمالارى:
مارشرۋت №218
وڭتۇستىك باعىتتا: موڭكە بي كوشەسى — ساين كوشەسى — اباي داڭعىلى — ياسساۋي كوشەسىنەن كەيىن بۇرىلىس — اباي داڭعىلى — سوڭعى ايالداما «ب. مومىش ۇلى مەترو ستانسياسى». كەرى باعىتتا: «ب. مومىش ۇلى مەترو ستانسياسى» — اباي داڭعىلى — ساين كوشەسى — موڭكە بي كوشەسى — ءارى قاراي قولدانىستاعى سحەما بويىنشا.
مارشرۋت №238
وڭتۇستىك باعىتتا: ساين كوشەسى — تولە بي كوشەسى — سوڭعى ايالداما «اۆتوستانسيا». كەرى باعىتتا: «اۆتوستانسيا» — تولە بي كوشەسى — ساين كوشەسىنەن كەيىن بۇرىلىس — تولە بي كوشەسى — ساين كوشەسى — ءارى قاراي قولدانىستاعى سحەما بويىنشا.
مارشرۋت №61
وڭتۇستىك باعىتتا: اباي داڭعىلى — ساين كوشەسى — ءال-فارابي داڭعىلى — سوڭعى ايالداما «“ارمان” اۆتوستانسياسى». كەرى باعىتتا: «“ارمان” اۆتوستانسياسى» — جاروكوۆ كوشەسىنىڭ ايرىعى — ءال-فارابي داڭعىلى — ساين كوشەسى — اباي داڭعىلى — ءارى قاراي قولدانىستاعى سحەما بويىنشا.