الماتىدا Mercedes-پەن سوقتىعىسۋدان امان قالعان Suzuki كولىگىنىڭ جولاۋشىسىنىڭ جاعدايىن دارىگەرلەر ايتتى، دەپ حابارلايدى infohub.kz.
الماتى قوعامدىق دەنساۋلىق ساقتاۋ باسقارماسىنىڭ مالىمەتىنشە، 27 شىلدەدە ساعات 04:05-تە №7 قالالىق كلينيكالىق اۋرۋحاناعا 1991 جىلى تۋعان ايەل جەتكىزىلگەن. ول رىسقۇلوۆ كوشەسىندە بولعان جول-كولىك وقيعاسىندا زارداپ شەككەن. ايەل كولىكتە جولاۋشى بولعان.
زارداپ شەككەن ايەلگە پوليتراۆما، ونىڭ ىشىندە بىرنەشە سىنىقتار مەن جۇمساق تىندەردىڭ جاراقاتتارى دياگنوزى قويىلعان. قاجەتتى شۇعىل ەمدىك-دياگنوستيكالىق شارالار جۇرگىزىلىپ، سىنىقتار بەكىتىلگەن. ءقازىر ناۋقاس رەانيماسيا بولىمىندە اۋىر حالدە جاتىر.
ەسكە سالايىق، قايعىلى وقيعا وتكەن ءتۇنى الماتىنىڭ الاتاۋ اۋدانىندا بولعان. جول اپاتى سالدارىنان Suzuki كولىگىنىڭ جۇرگىزۋشىسى مەن ونىڭ ءبىر جولاۋشىسى وقيعا ورنىندا قازا تاپقان. Suzukiء-دىڭ تاعى ءبىر جولاۋشىسى مەن Mercedes جۇرگىزۋشىسى جاراقاتتارىمەن اۋرۋحاناعا جەتكىزىلگەن.