21 شىلدەدە الماتىدا قولايسىز مەتەورولوگيالىق جاعدايلار كۇتىلەدى، دەپ حابارلايدى infohub.kz سايتى.
قازگيدرومەت ماماندارىنىڭ تۇسىندىرۋىنشە، قولايسىز مەتەوجاعدايلار (قمج) تىمىق اۋا، ءالسىز جەل، تۇمان جانە تەمپەراتۋرا ينۆەرسياسىنىڭ قاتار كەلۋىنەن پايدا بولادى. ناتيجەسىندە لاستاۋشى زاتتار جەر بەتىنە جاقىن اتموسفەرا قاباتىنا جينالىپ، اۋا ساپاسىنىڭ ناشارلاۋىنا اكەلەدى.
سينوپتيكتەر مۇنداي كەزەڭدەردە دەنساۋلىققا تەرىس اسەر ەتۋ ءقاۋپى ارتاتىنىن، اسىرەسە سوزىلمالى اۋرۋلارى بار ادامدارعا ءقاۋىپتى ەكەنىن ەسكەرتەدى. اۋانىڭ لاستانۋ دەڭگەيىنە جەلدىڭ جىلدامدىعى، جاۋىن-شاشىن، ىلعالدىلىق جانە تەمپەراتۋرا اسەر ەتەدى.
تۇرعىندارعا كوشەدە، اسىرەسە اۆتوكولىك جولدارى مەن باسقا دا لاستانۋ كوزدەرىنىڭ جانىندا بولۋ ۋاقىتىن قىسقارتۋ ۇسىنىلادى. بالالار مەن جۇكتى ايەلدەرگە ۇزاق سەرۋەندەردەن باس تارتۋعا كەڭەس بەرىلەدى. تىنىس الۋ جانە جۇرەك-قان تامىرلارى جۇيەسى اۋرۋلارى بار ادامدار مەن اللەرگيامەن اۋىراتىندارعا قاجەتتى دارى-دارمەكتەردى ءارقاشان جانىندا ۇستاۋعا كەڭەس بەرىلەدى. ماماندار اشىق اۋادا دەنە بەلسەندىلىگىن شەكتەۋدى جانە مۇمكىن بولسا، ساباقتاردى جابىق ءۇي-جايلارعا اۋىستىرۋدى ۇسىنادى.
بۇعان دەيىن «كۋرسيۆ» 21 شىلدەدە قازاقستاندا اۋا رايى كۇرت ناشارلايتىنىن حابارلادى: سولتۇستىك-باتىس سيكلونى ەلدىڭ باسىم بولىگىنە نايزاعايلى جاڭبىر، كەي جەرلەردە قاتتى نوسەر، بۇرشاق، ەكپىندى جەل جانە شاڭدى داۋىل اكەلەدى.