الماتى تۇرعىندارى اباي داڭعىلىندا جاقىندا عانا اسفالت توسەلگەن جەردە قايتا جول جۇمىستارى ءجۇرىپ جاتقانىنا تاڭدانىس بىلدىرۋدە. قالالىق اكىمدىك ازاماتتاردىڭ سۇراقتارىنا جاۋاپ بەردى، دەپ حابارلايدى infohub.kz سايتى.
Zhaqsybala دەگەن اتپەن بەلگىلى قازاقستاندىق Threads الەۋمەتتىك جەلىسىندە كوشە جوندەۋ لوگيكاسىنا قاتىستى سۇراق قويىپ، پوست جاريالادى. ول جەتىسۋ شاعىن اۋدانىنداعى «Magnum» سۋپەرماركەتىنەن مومىش ۇلى كوشەسىنە دەيىنگى باتىس باعىتتاعى ۋچاسكەدە جاقىندا عانا اسفالت اۋىستىرىلعانىن، ەندى سايننان مومىش ۇلىعا دەيىنگى ارالىقتا، ونىڭ ىشىندە جاڭا ۋچاسكەدە دە جوعارعى قابات قايتا الىنىپ جاتقانىن اتاپ ءوتتى. «بۇكىل كوشەدە اسفالت اۋىستىرۋ جوسپارلانعاندا، ءبىر بولىگىن نەگە جوندەدى؟» — دەپ اشۋلاندى اۆتور، جۇمىستار وقۋ جىلى باستالار الدىنداعى سوڭعى اپتادا ءجۇرىپ جاتقانىن قوسىپ ايتتى.
NUR.KZ ءتىلشىسى الماتى اكىمدىگىنىڭ ءباسپاسوز قىزمەتىنە سۇراۋ جولدادى. جاۋاپتا بيىلعى جىلى اباي داڭعىلىنىڭ ساين كوشەسىنەن ب. مومىش ۇلى كوشەسىنە دەيىنگى ۋچاسكەسى ورتاشا جوندەۋمەن قامتىلاتىنى حابارلاندى. بۇل ۋچاسكە تەكسەرۋ ناتيجەلەرى بويىنشا جوندەۋ تىزىمىنە ەنگىزىلگەن، تەكسەرۋ بارىسىندا جول توسەمىنىڭ توزۋى، جارىقشاقتار تورى جانە ايتارلىقتاي توزۋ انىقتالعان. بۇل ۋچاسكەدە الدىڭعى جوندەۋ 2019 جىلى جۇرگىزىلگەن بولاتىن. قازىرگى ۋاقىتتا دايىندىق جۇمىستارى ءجۇرىپ جاتىر، ونى بيىلعى 1 قىركۇيەككە دەيىن اياقتاۋ جوسپارلانۋدا.