ازيا وليمپيادالىق كەڭەسىنىڭ (اوك) دەلەگاسياسى الماتىنىڭ 2029 جىلعى X قىسقى ازيا ويىندارىنا دايىندىعىن العاش رەت تەكسەردى. تەكسەرۋگە قازاقستان تۋريزم جانە سپورت ۆيسە-مينيسترى سەرىك جاراسبايەۆ قاتىستى، دەپ حابارلايدى infohub.kz.
ساپار بارىسىندا تۋريزم جانە سپورت مينيسترلىگىنىڭ، الماتى اكىمدىگىنىڭ، ۇلتتىق وليمپيادالىق كوميتەتتىڭ جانە اوك وكىلدەرىمەن كەڭەستەر ءوتتى. سپورت ينفراقۇرىلىمىنىڭ دايىندىعى، جارىستاردى ۇيىمداستىرۋ جانە قابىلداۋشى تاراپتىڭ مىندەتتەمەلەرىن ورىنداۋ ماسەلەلەرى تالقىلاندى. دەلەگاسيا نەگىزگى نىسانداردى ارالادى: «مەدەۋ» بيىك تاۋ كەشەنى، «شىمبۇلاق» كۋرورتى، «سۇڭقار» شاڭعى كەشەنى، سونداي-اق «حالىق ارەنا»، «الماتى ارەنا» جانە بالۋان شولاق اتىنداعى سپورت سارايى. لوگيستيكاعا، قاتىسۋشىلاردى ورنالاستىرۋعا، تەحنيكالىق ايماقتارعا جانە ارەنالاردىڭ حالىقارالىق فەدەراسيالار تالاپتارىنا سايكەستىگىنە ەرەكشە كوڭىل ءبولىندى.
اوك وكىلدەرى الماتىنىڭ ازياداعا دايىندىق بارىسىنا وڭ باعا بەرىپ، كەلەسى تەكسەرۋلەر كەستەسىن قوسا العاندا، ودان ءارى ىنتىماقتاستىقتى كەلىستى. ەسكە سالايىق، X قىسقى ازيا ويىندارى 2029 جىلى استانا مەن الماتىدا وتەدى.