18 شىلدەدە قازاقستاننىڭ التى قالاسىندا قولايسىز مەتەورولوگيالىق جاعدايلار (قمج) كۇتىلەدى. بۇل جاعداي اتموسفەرانىڭ جەرگە جاقىن قاباتىندا لاستاۋشى زاتتاردىڭ جينالۋىنا اكەلەدى، دەپ حابارلايدى infohub.kz سايتى.
«قازگيدرومەت» رمك دەرەكتەرىنە سايكەس، كۇندىز الماتىدا قمج بولجانادى. تۇنگى ۋاقىتتا قولايسىز مەتەوجاعداي استانا، پەتروپاۆل، قاراعاندى، جەزقازعان جانە تەمىرتاۋ قالالارىن قامتيدى.
قولايسىز مەتەوجاعدايلار – اۋاداعى زياندى قوسپالاردىڭ تارالۋى ناشارلايتىن اۋا رايى فاكتورلارىنىڭ جيىنتىعى. مۇنداي كەزەڭدەردە تۇرعىندارعا، اسىرەسە تىنىس الۋ ورگاندارى اۋرۋلارى بار ادامدارعا، اشىق اۋادا بولۋ ۋاقىتىن قىسقارتۋعا جانە ۋاكىلەتتى قىزمەتتەردىڭ رەسمي حابارلامالارىن قاداعالاۋعا كەڭەس بەرىلەدى.