29 شىلدەدە الماتى مەن قازاقستاننىڭ تاعى ءتورت قالاسىندا قولايسىز مەتەوجاعدايلار كۇتىلەدى، دەپ حابارلايدى infohub.kz.
سينوپتيكتەردىڭ دەرەگىنشە، قولايسىز مەتەوجاعدايلار (قمج) الماتىدا، ال تۇندە استانادا، تەمىرتاۋدا، قاراعاندىدا جانە قوستانايدا بولجانادى.
مامانداردىڭ تۇسىندىرۋىنشە، قمج تىمىق اۋا رايى، ءالسىز جەل، تۇمان جانە تەمپەراتۋرالىق ينۆەرسيا ۇيلەسكەندە پايدا بولادى. سالدارىنان لاستاۋشى زاتتار اتموسفەرانىڭ جەرگە جاقىن قاباتىندا جينالىپ، اۋا ساپاسىنىڭ ناشارلاۋىنا اكەلەدى.
سينوپتيكتەر مۇنداي كەزەڭدەردە دەنساۋلىققا كەرى اسەر ەتۋ ءقاۋپى ارتاتىنىن، اسىرەسە سوزىلمالى اۋرۋلارى بار ادامدار ءۇشىن ەسكەرتەدى.
اۋانىڭ لاستانۋ دەڭگەيىنە جەل جىلدامدىعى، جاۋىن-شاشىن، ىلعالدىلىق جانە اۋا تەمپەراتۋراسى اسەر ەتەدى.
تۇرعىندارعا كوشەدە، اسىرەسە اۆتوكولىك جولدارى مەن باسقا دا لاستانۋ كوزدەرىنىڭ جانىندا بولۋ ۋاقىتىن قىسقارتۋ ۇسىنىلادى. بالالار مەن جۇكتى ايەلدەرگە ۇزاق سەرۋەندەردەن باس تارتۋعا كەڭەس بەرىلەدى. تىنىس الۋ جانە جۇرەك-قان تامىرلارى جۇيەسىنىڭ اۋرۋلارى بار ادامدارعا، سونداي-اق اللەرگياسى بارلارعا قاجەتتى دارى-دارمەكتەردى وزدەرىمەن بىرگە الىپ ءجۇرۋ ۇسىنىلادى. ساراپشىلار اشىق اۋادا دەنە بەلسەندىلىگىن شەكتەۋگە جانە مۇمكىندىگىنشە ساباقتاردى جابىق ءۇي-جايلارعا اۋىستىرۋعا كەڭەس بەرەدى.
بۇعان دەيىن «كۋرسيۆ» 29 شىلدەدە قازاقستاننىڭ باسىم بولىگىندە تۇراقسىز اۋا رايى ساقتالاتىنىن حابارلاعان بولاتىن. «قازگيدرومەت» دەرەگىنشە، ەلدى نايزاعايلى جاڭبىر جاۋىپ، كەي جەرلەردە بۇرشاق جاۋۋى مۇمكىن، ال ءبىرقاتار وڭىردە اۋا تەمپەراتۋراسى +44 گرادۋسقا دەيىن كوتەرىلەدى.