18 تامىزدا الماتى مەن اتىراۋدا قولايسىز مەتەورولوگيالىق جاعدايلار (قمج) كۇتىلەدى، دەپ حابارلايدى infohub.kz.
سينوپتيكتەردىڭ دەرەگىنشە، قمج الماتىدا، ال تۇندە اتىراۋدا بولجانادى.
مامانداردىڭ تۇسىندىرۋىنشە، قولايسىز مەتەوجاعداي تىمىق اۋا رايى، ءالسىز جەل، تۇمان جانە تەمپەراتۋرالىق ينۆەرسيا كەزىندە قالىپتاسادى. سونىڭ سالدارىنان اتموسفەرانىڭ جەرگە جاقىن قاباتىندا زياندى زاتتار جينالىپ، اۋا ساپاسىنىڭ ناشارلاۋىنا اكەلەدى.
سينوپتيكتەر مۇنداي كەزەڭدەردە دەنساۋلىققا كەرى اسەر ەتۋ ءقاۋپى ارتاتىنىن، اسىرەسە سوزىلمالى اۋرۋلارى بار ادامدارعا ءقاۋىپتى ەكەنىن ەسكەرتەدى.
اۋانىڭ لاستانۋ دەڭگەيىنە جەلدىڭ جىلدامدىعى، جاۋىن-شاشىن، ىلعالدىلىق جانە اۋا تەمپەراتۋراسى اسەر ەتەدى.
تۇرعىندارعا كوشەدە، اسىرەسە اۆتوكولىك جولدارى مەن باسقا دا لاستانۋ كوزدەرىنىڭ جانىندا بولۋ ۋاقىتىن قىسقارتۋ ۇسىنىلادى. بالالار مەن جۇكتى ايەلدەرگە ۇزاق سەرۋەندەۋدەن باس تارتۋعا كەڭەس بەرىلەدى.
تىنىس الۋ جانە جۇرەك-قان تامىرلارى جۇيەسى اۋرۋلارى بار ادامدارعا، سونداي-اق اللەرگياسى بارلارعا قاجەتتى دارى-دارمەكتەردى وزىمەن بىرگە الىپ ءجۇرۋ ۇسىنىلادى. ماماندار اشىق اۋاداعى فيزيكالىق بەلسەندىلىكتى شەكتەپ، مۇمكىندىگىنشە جاتتىعۋلاردى جابىق ءۇي-جايلارعا اۋىستىرۋعا كەڭەس بەرەدى.
بۇعان دەيىن «كۋرسيۆ» 18 تامىزدا قازاقستاننىڭ كوپتەگەن ايماقتارىندا تۇراقسىز اۋا رايى كۇتىلەتىنىن جازعان بولاتىن. قازگيدرومەت جاڭبىر مەن نايزاعايدى، كەي جەرلەردە بۇرشاق پەن داۋىلدى بولجايدى.