الماتى اۋەجايىندا استاناعا باراتىن رەيسكە تىركەلۋ كەزىندە ەكى جولاۋشى قوعامدىق ءتارتىپتى بۇزعانى جانە ماس بولعانى ءۇشىن رەيسكە جىبەرىلمەدى، دەپ حابارلايدى infohub.kz.
كولىك پوليسياسى دەپارتامەنتىنىڭ مالىمەتىنشە، باسقارما قىزمەتكەرلەرى اۋەكومپانيا وكىلدەرىمەن بىرلەسىپ زاڭسىز ارەكەتتەردىڭ الدىن الدى. ءتارتىپ بۇزۋشىلار — 37 جاستاعى الماتى تۇرعىنى جانە 26 جاستاعى تۇركىستان وبلىسىنىڭ تۇرعىنى. تىركەۋ كەزىندە ەكەۋى دە ماس كۇيىندە بولىپ، قوعامدىق ءتارتىپتى بۇزعان. ال كىشىسى بىلاپىت سويلەگەن.
كولىك پوليسياسى دەپارتامەنتى باستىعىنىڭ ءبىرىنشى ورىنباسارى تەمىرجان رامازانوۆتىڭ ايتۋىنشا: «قۇقىق بۇزۋشىلاردىڭ بىرىنە قوعامدىق ورىندا ماس كۇيىندە جۇرگەنى ءۇشىن اكىمشىلىك ءىس قوزعالدى. ول بۇعان دەيىن دە وسىنداي قۇقىق بۇزۋشىلىق جاساعاندىقتان، جينالعان ماتەريالدار شەشىم قابىلداۋ ءۇشىن سوتقا جىبەرىلدى. ەكىنشى جولاۋشى ەكى باپ بويىنشا — قوعامدىق ورىندا ماس كۇيىندە ءجۇرۋ جانە ۇساق بۇزاقىلىق ءۇشىن جاۋاپقا تارتىلدى».