الماتى تۇرعىنى قوعامدىق كولىكتە شابۋىل جاسالعانىن حابارلادى: ونىڭ ايتۋىنشا، قارت ەر ادام ورىن بەرۋدى سۇراعاننان كەيىن وعان قارسى تۇنشىقتىرۋ ءادىسىن قولدانعان. وقيعا №227 اۆتوبۋستا بولعان، دەپ حابارلايدى infohub.kz سايتى.
Threads الەۋمەتتىك جەلىسىندەگى llyvdu اتتى قولدانۋشى كەشكى ساعات 18:00 شاماسىندا «سەيفۋللينا — شولوحوۆ» ايالداماسىنان اۆتوبۋسقا وتىرىپ، ارتقى ورىندىققا جايعاسقانىن ايتتى. قاسىندا وتىرعان ەر ادامنان ورىن بەرۋىن سۇراعاندا، ول كۇتپەگەن جەردەن ەشقانداي ەسكەرتۋسىز «تۇنشىقتىرۋ ءادىسىن» قولدانعان. قىز اياعىمەن جانە قولىمەن يتەرىپ، سونداي-اق باسقا جولاۋشىنىڭ كومەگىنىڭ ارقاسىندا بوسانىپ شىققان. ول اينالاسىنداعىلاردى ساق بولۋعا شاقىرىپ، بولعان وقيعاعا نازار اۋدارتتى.
الماتى پوليسيا دەپارتامەنتى NUR.KZ تىلشىسىنە بۇل فاكتى بويىنشا تەكسەرۋ جۇرگىزىلگەنىن حابارلادى. قۇقىق قورعاۋ ورگاندارى وقيعاعا قاتىسۋشىلاردى انىقتاپ، شابۋىل جاساعان ادامعا قاتىستى اكىمشىلىك حاتتاما تولتىردى. سوت وعان 10 تاۋلىككە اكىمشىلىك قاماققا الۋ جازاسىن تاعايىندادى.
پوليسيا قوعامدىق ءتارتىپ نورمالارىن ساقتاۋ جانە اينالاداعىلارعا قۇرمەتپەن قاراۋ قاجەتتىگىن ەسكە سالدى. جانجالدى جاعدايلار تۋىنداعان كەزدە ازاماتتارعا قۇقىققا قايشى ارەكەتتەردەن اۋلاق بولىپ، پوليسياعا كومەك سۇراپ جۇگىنۋ كەرەكتىگىن ەسكەرتتى.