الماتى تۇرعىنى ءوز كولىگىمەن بالقاش كولىنىڭ جاعاجايىنا شىعىپ، سول ساتتە ادامدار، ونىڭ ىشىندە بالالار دەمالىپ، شومىلىپ جاتقان. وسى ءۇشىن ول بەس تاۋلىككە قاماۋعا الىندى، دەپ حابارلايدى infohub.kz سايتى.
وقيعا جامبىل اۋدانىنىڭ ۇلكەن اۋىلى ماڭىنداعى بالقاش كولىنىڭ جاعالاۋىندا بولعان. Threads الەۋمەتتىك جەلىسىندە بۇزۋشىلىق تۋرالى جازبا جاريالانعاننان كەيىن پوليسيا قىزمەتكەرلەرى تەكسەرۋ جۇرگىزدى.
ىشكى ىستەر مينيسترلىگىندەگىلەردىڭ مالىمەتىنشە، 32 جاستاعى الماتىلىق ارىستانبەك ءابۋ جاعالاۋ سىزىعىنا شىققان، سول جەردە دەمالىپ جاتقان ادامدار، ونىڭ ىشىندە بالالار بولعان. تەكسەرۋ ناتيجەسىندە بۇزۋشى ۇساق بۇزاقىلىق ءۇشىن جاۋاپكەرشىلىككە تارتىلدى.
«سوت شەشىمىمەن ارىستانبەك ءابۋ بەس تاۋلىككە قاماۋعا الىندى»، — دەپ مالىمدەدى ءىىم.
بۇزۋشىنىڭ كولىگى ارنايى ايىپپۇل تۇراعىنا قويىلدى. پوليسيا قوعامدىق ءتارتىپتى ساقتاۋ جانە جاپپاي دەمالىس ورىندارىندا بەلگىلەنگەن مىنەز-ق ۇلىق ەرەجەلەرىن ساقتاۋ قاجەتتىگىن ەسكە سالدى.