الماتى – بىشكەك حالىقارالىق تاسجولىنىڭ ەڭ قارقىندى ۋچاسكەلەرىنىڭ ءبىرىن كەڭەيتۋ جانە كۇردەلى جوندەۋ جۇمىستارى باستالدى. الماتى وبلىسىنىڭ قاراساي اۋدانىنداعى 19-نان 27ء-شى كيلومەترگە دەيىنگى ۋچاسكەدە كۇن سايىن 70 مىڭنان استام كولىك وتەدى، دەپ حابارلايدى infohub.kz قازاۆتوجولعا سىلتەمە جاساپ.
ءتورت جولاقتى اعىمداعى جول كولىك اعىنىنا توتەپ بەرە الماي، ۇنەمى كەپتەلىستەر تۋعىزىپ، جول-كولىك وقيعالارىنىڭ ءقاۋپىن ارتتىرىپ وتىر.
قايتا قۇرۋدان كەيىن جولاق سانى ەكى ەسە ارتىپ، تورتتەن سەگىزگە دەيىن جەتەدى. بۇل ۋچاسكە ۇزدىكسىز قوزعالىستاعى ماگيسترالدى كوشە تالاپتارىنا ساي بولادى.
جوبا اياسىندا «تاعا» ۇلگىسىندەگى ەكى كولىك ايىرما جولىن، توعىز اسپالى جاياۋ جۇرگىنشىلەر وتكەلىن سالۋ، تروتۋارلار مەن سىرتقى جارىقتاندىرۋدى جانە جاڭا كۇردەلى جول توسەمىن ورناتۋ كوزدەلگەن. سونىمەن قاتار، گاز قۇبىرلارى، سۋ قۇبىرلارى جەلىلەرى، ەلەكتر جانە تالشىقتى-وپتيكالىق بايلانىس جەلىلەرىن قوسا العاندا، ينجەنەرلىك كوممۋنيكاسيالاردى كوشىرۋ قاجەت بولادى.
جۇمىستار اياقتالعاننان كەيىن الماتىعا كىرەتىن ماڭىزدى كىرە بەرىستەردىڭ ءبىرىنىڭ وتكىزۋ قابىلەتى ايتارلىقتاي ارتىپ، قالا مەن ونىڭ ماڭىنداعى ەلدى مەكەندەر اراسىنداعى جول ءجۇرۋ ۋاقىتى قىسقارادى دەپ كۇتىلەدى.