الماتىلىق بلوگەر ءۇش ايەلمەن ءومىرى تۋرالى اشىق ايتقانى ءۇشىن جازالاندى، دەپ حابارلايدى infohub.kz.
الماتى پوليسيا دەپارتامەنتىنىڭ مالىمەتىنشە، باۋىرجان باكىتجان ۇلىنا ق ر اقبتك-نىڭ 456-2-بابى 3-1-بولىگى بويىنشا اكىمشىلىك حاتتاما تولتىرىلدى. پوليسيا ونىڭ كونتەنتىن قازاقستان زاڭناماسىنا جانە جالپى قابىلدانعان مورالدىق-ادامگەرشىلىك قۇندىلىقتارعا قايشى كەلەتىن ءومىر سالتىن ناسيحاتتاۋ دەپ اتادى. بۇل ءۇشىن 20 ايلىق ەسەپتىك كورسەتكىش (اەك) مولشەرىندە ايىپپۇل قاراستىرىلعان.
«الەۋمەتتىك جەلىلەر – جۇرتشىلىقتىڭ اقپاراتتىق كەڭىستىگى. زاڭ تالاپتارىنا قايشى كەلەتىن جانە وتباسى ينستيتۋتىنا، جالپى قابىلدانعان مورالدىق-ەتيكالىق نورمالارعا قۇرمەتتى السىرەتەتىن مىنەز-ق ۇلىق ۇلگىلەرىن ناسيحاتتايتىن كونتەنت تاراتۋ زاڭدا كوزدەلگەن جاۋاپكەرشىلىككە اكەپ سوعادى»، – دەپ ەسكەرتتى پوليسيا.
پوليسيانىڭ دەرەگىنشە، پروفيلاكتيكالىق اڭگىمەدەن كەيىن بلوگەر داۋلى جازبالارىن ەرىكتى تۇردە الىپ تاستاعان. الايدا ونىڭ Instagram-داعى پاراقشاسىندا كوپ ايەلدىلىك تۋرالى جازبالار ءالى دە كەزدەسەدى — تەك كەيبىرى عانا جويىلعان.
بۇعان دەيىن بلوگەردىڭ نە ايتقانى جانە ونىڭ اشىق اڭگىمەلەرى نەلىكتەن قازاقستاندىقتاردىڭ نارازىلىعىن تۋدىرعانى حابارلانعان.