الماتىدا تومەن شىعارىندىلار ايماعىن (LEZ) بۇكىل قالاعا تاراتۋ مۇمكىندىگى تالقىلانۋدا. ءقازىر جوبا تەك ورتالىقتاعى شاعىن ۋچاسكەدە سىناق رەجيمىندە جۇمىس ىستەپ جاتىر، ءبىراق پيلوت اياقتالعان سوڭ ونى كەڭەيتۋى مۇمكىن، دەپ حابارلايدى infohub.kz سايتى.
پيلوتتىق جوبا ساۋىردە باستالىپ، جىل سوڭىنا دەيىن جالعاسپاق. ازىرگە جۇرگىزۋشىلەرگە كولىكتەرىن تەحنيكالىق تەكسەرۋدەن وتكىزۋ، كىرۋ ءۇشىن اقى تولەۋ نەمەسە قانداي دا ءبىر قوزعالىس شەكتەۋلەرىن ساقتاۋ مىندەتتەلمەگەن. الايدا پيلوت اياقتالعاننان كەيىن ەرەجەلەر قاتاڭداۋى مۇمكىن.
الماتىنىڭ اتموسفەرالىق اۋانى قورعاۋ ەرەجەلەرىن ازىرلەۋ جونىندەگى جۇمىس توبىنىڭ جەتەكشىسى ەرلان بۋزۋربايەۆ وسىنداي ايماقتىڭ بۇكىل قالانى قامتۋى ىقتيمال نۇسقاسىن قاراستىرۋدى ۇسىندى.
«ءتيىستى نورمالاردىڭ كۇشىنە ەنۋى شەكتەۋلەردىڭ اۆتوماتتى تۇردە قولدانىلا باستاعانىن بىلدىرمەيدى. LEZ تۇراقتى رەجيمگە كوشۋى ءۇشىن الماتى قالاسى اكىمدىگىنىڭ تومەن شىعارىندىلار ايماعىنىڭ شەكارالارىن بەلگىلەۋ تۋرالى جەكە قاۋلىسى قاجەت. وسى قاۋلى قابىلدانعانعا دەيىن بۇگىنگى شەكارالار تەك پيلوتتىق جوبا ماقساتىندا پايدالانىلادى»، — دەپ ءتۇسىندىردى ساراپشى.
ءبىر جاعىنان، LEZ كولىكتەن شىعاتىن شىعارىندىلاردى ازايتۋعا كومەكتەسۋى مۇمكىن. ەكىنشى جاعىنان، ەسكى كولىكتەرى كوپ قالا ءۇشىن بۇل يەلەرىنە قوسىمشا شىعىن اكەلىپ، كولىكتەردى پايدالانۋعا، سونىڭ ىشىندە وبلىستان كۇن سايىن الماتىعا كەلەتىن كولىكتەرگە دە شەكتەۋلەر قويۋى مۇمكىن.
بۇعان دەيىن Kursiv LifeStyle الماتىدا LEZ ايماعىنا كىرەتىن جۇرگىزۋشىلەرگە ەسكەرتۋلەر ورناتىلا باستاعانىن جازعان ەدى.