قازاقستان ەنەرگەتيكا مينيسترلىگى «KEGOC» اق جەلىلەرى بويىنشا الماتى مەن الماتى وبلىسىندا بۇگىن بولعان ءىرى بلەكاۋتتان كەيىن ەلەكترمەن جابدىقتاۋدىڭ تولىق قالپىنا كەلتىرىلگەنىن حابارلادى، دەپ حابارلايدى infohub.kz سايتى.
ۆەدومستۆونىڭ ءباسپاسوز قىزمەتىندە اتاپ وتىلگەندەي، قازىرگى ۋاقىتتا وڭىرلىك ەنەرگيامەن جابدىقتاۋشى ۇيىمدار جەكەلەگەن تۇتىنۋشىلاردى كەزەڭ-كەزەڭىمەن قوسۋدا. جاقىن ارادا ەلەكترمەن جابدىقتاۋ تولىق قالپىنا كەلتىرىلەدى دەپ كۇتىلۋدە.
ەنەرگەتيكا مينيسترلىگى كەيبىر پابليكتەردە تاراعان وزبەكستانداعى ەلەكتر قۋاتىنىڭ ءۇزىلۋى قازاقستاننىڭ ەنەرگيا جۇيەسىندەگى اپاتتان بولدى دەگەن اقپاراتتى جوققا شىعاردى. بۇل دەرەكتەر شىندىققا سايكەس كەلمەيدى.
ءباسپاسوز قىزمەتىندە اتاپ وتىلگەندەي، جاعداي ەنەرگەتيكا مينيسترلىگىنىڭ باقىلاۋىندا قالىپ وتىر.
ەسكە سالايىق، بۇگىن الماتى مەن الماتى وبلىسىندا ءىرى بلەكاۋت بولدى. سەبەپ — ورتالىق ازيا ەنەرگيا جۇيەسى تاراپىنان ەلەكتر ەنەرگياسى اعىنىنىڭ كۇرت وزگەرۋىنەن تۋىنداعان ەنەرگيا جۇيەسىندەگى قۋاتتىڭ ارتۋى. سونىڭ سالدارىنان اپاتقا قارسى اۆتوماتيكا ىسكە قوسىلىپ، رەسپۋبليكانىڭ كەيبىر وڭىرلەرىندە ءبىرقاتار تۇتىنۋشىلاردىڭ ەلەكتر قۋاتى ءوشىرىلدى.