الماتى تۇرعىندارى ۇيلەرىندە جارىق پايدا بولعانىن حابارلاي باستادى. KEGOC كومپانياسى ەلەكترمەن جابدىقتاۋدىڭ قالپىنا كەلتىرىلىپ جاتقانىن راستادى، دەپ حابارلايدى infohub.kz سايتى.
KEGOC ءباسپاسوز قىزمەتىنىڭ مالىمەتىنشە، وپەراتور قازاقستاننىڭ ءبىرىڭعاي ەلەكتر ەنەرگەتيكالىق جۇيەسىندەگى تەحنولوگيالىق بۇزىلىستان كەيىن ەلەكترمەن جابدىقتاۋدى قالپىنا كەلتىرۋگە كىرىستى.
«2026 جىلعى 14 تامىزدا ساعات 14:37-دە قازاقستاننىڭ ءبىرىڭعاي ەلەكتر ەنەرگەتيكالىق جۇيەسىندە تەحنولوگيالىق بۇزىلىس ورىن الىپ، 500 كۆ اعادىر – ۇلكەن ل-5300 جانە ل-5320، سونداي-اق اقتوعاي – تالدىقورعان ل-5400 ەلەكتر بەرۋ جەلىلەرى اجىراتىلدى»، – دەپ ناقتىلادى ۆەدومستۆودا. سالدارىنان قازاقستان بەج-نىڭ وڭتۇستىك ايماعى جانە ورتالىق ازيانىڭ بىرىككەن ەنەرگوجۇيەسى وقشاۋلانعان جۇمىس رەجيمىنە ءبولىنىپ شىقتى.
«الدىن الا جەدەل دەرەكتەر بويىنشا، تەحنولوگيالىق بۇزىلىستىڭ سەبەبى ورتالىق ازيا بەج تاراپىنان قۋاتتىڭ كەنەتتەن ارتۋى بولدى. قازاقستاننىڭ ەنەرگوجۇيەسىندەگى بۇزىلىس سالدارىنان تۇتىنۋشىلاردىڭ ەلەكترمەن جابدىقتاۋىن شەكتەۋ كولەمى شامامەن 2810 مۆت قۇرادى. جۇيەلىك وپەراتور دەرەۋ قالپىنا كەلتىرۋ شارالارىن باستادى. ساعات 14:47-گە قاراي قاراعاندى وبلىسىندا، اباي جانە ۇلىتاۋ وبلىستارىندا 295 مۆت كولەمىندەگى شەكتەۋلەر الىنىپ تاستالدى»، – دەپ حابارلادى KEGOC-تا.
قازىرگى ۋاقىتتا «KEGOC» اق تۇتىنۋشىلاردىڭ ەلەكترمەن جابدىقتاۋىن قالپىنا كەلتىرۋ جۇمىستارىن جالعاستىرۋدا.