الەۋمەتتىك جەلىلەردە dots_foto دەگەن اتپەن تانىمال الماتىلىق فوتوگراف دميتري دوسەنكو الاكولگە جاڭا، ادەمىرەك باعىتتى كورسەتتى. ول جوڭعار الاتاۋى تاۋلارى ارقىلى، ءۇشارالدى اينالىپ ءوتىپ، سونداي-اق ىرعايتى وزەنىنىڭ شاتقالىن، جۇڭگو شەكاراسىنداعى جالاڭاشكول كولىن جانە تەنتەك وزەنىندەگى بوگەندى كورۋدى ۇسىنادى، دەپ حابارلايدى infohub.kz سايتى.
پايدالانۋشىلار پىكىرلەردە فوتوگرافقا جاڭا ادەمى سۋرەتتەرى ءۇشىن العىس بىلدىرۋدە. «سىزبەن بىرگە قازاقستاندى اشامىز!»، «مۇنداي كورىنىستەردى كورۋ مۇمكىندىگى ءۇشىن زور راحمەت»، «ءسىزدىڭ ارقاڭىزدا كوپشىلىگىمىز ويشا بىرگە ساياحاتتايمىز. سونداي ادەمى جەرلەردى كورسەتەسىز»، — دەپ جازدى قازاقستاندىقتار.
سونىمەن قاتار، پىكىر قالدىرۋشىلار تاۋ ارقىلى وتەتىن جولدىڭ جاعدايى ءۇشارال ارقىلى وتەتىن جولدان الدەقايدا ناشار ەكەنىن، ءبىراق كورىنىستەرى كەرەمەت ەكەنىن اتاپ وتەدى.
بۇعان دەيىن «كۋرسيۆ» بيىلعى جازدا الاكول 2 ميلليونعا جۋىق تۋريستەردى — ءبىر تۇتاس مەگاپوليستىڭ حالقىن قابىلداۋعا دايىندالىپ جاتقانىن جازعان بولاتىن.