الماتى حايۋاناتتار باعىندا كوپتەن كۇتكەن وقيعا بولدى: پرجەۆالسكي جىلقىسىنىڭ كۋربانكۇل اتتى بيەسى ق ۇلىندادى. ق ۇلىندى جەلمايا دەپ اتادى، بۇل اناسىنىڭ ەكىنشى ءتولى. بۇل تۋرالى infohub.kz سايتى حابارلادى.
حايۋاناتتار باعى اقبوكەن، اق ايۋ، اق يىقتى سۋبۇركىت جانە پرجەۆالسكي جىلقىسىن ساقتاۋ باعدارلامالارىنا قاتىسادى. قىزىل كىتاپقا ەنگىزىلگەن پرجەۆالسكي جىلقىسىنان ءتول الۋ – بۇل سيرەك ءتۇردى بولاشاق ۇرپاققا ساقتاۋعا قوسىلعان ناقتى ۇلەس، دەپ اتاپ ءوتتى حايۋاناتتار باعىندا.
«ءدال وسى سەبەپتى ءبىزدىڭ جىلقىلار كەلۋشىلەر ءۇشىن جابىق «تىنىش» ايماقتا تۇرادى، ولاردىڭ تىنىشتىعىن ەشنارسە بۇزبايدى. ءقازىر كۋربانكۇل، جەلمايا جانە اكەسى مەرەي بولەك تۇرادى، مامانداردىڭ قامقورلىعىنا بولەنگەن»، — دەلىنگەن حابارلامادا.
ق ۇلىن 14 ماۋسىمدا دۇنيەگە كەلگەنى انىقتالدى. پرجەۆالسكي جىلقىسى – قازاقستاننىڭ قىزىل كىتابى مەن حالىقارالىق تابيعاتتى قورعاۋ وداعىنىڭ (حتقو) قىزىل تىزىمىنە ەنگىزىلگەن جابايى جىلقىلاردىڭ ەڭ سيرەك تۇرلەرىنىڭ ءبىرى.