31 شىلدەدەن باستاپ الماتى مەن يزمير اراسىندا تىكەلەي اۋە قاتىناسى اشىلادى. SunExpress اۋەكومپانياسىنىڭ جاڭا باعىتى قالانىڭ حالىقارالىق مارشرۋتتىق جەلىسىن كەڭەيتىپ، قازاقستان مەن تۇركيا اراسىنداعى تۋريستىك، ىسكەرلىك جانە مادەني بايلانىستاردى دامىتۋعا قوسىمشا مۇمكىندىكتەر تۋعىزادى، دەپ حابارلايدى infohub.kz سايتى.
الماتى اكىمدىگىنىڭ مالىمەتىنشە، رەيستەر اپتاسىنا ەكى رەت ورىندالادى. يزميردەن سەيسەنبى جانە جۇما كۇندەرى 2026 جىلدىڭ قازان ايىنىڭ سوڭىنا دەيىن 189 جولاۋشىعا ارنالعان Boeing 737-800 ۇشاقتارىمەن ۇشۋ جوسپارلانعان. يزميردەن ۇشۋ ساعات 21:00-دە، الماتىعا كەلۋ كەلەسى كۇنى ساعات 05:00-دە. كەرى رەيستەر الماتىدان سارسەنبى جانە سەنبى كۇندەرى: ۇشۋ ساعات 06:25-تە، يزميرگە كەلۋ ساعات 09:50-دە.
يزمير — تۇركيانىڭ ءىرى تۋريستىك جانە ەكونوميكالىق ورتالىقتارىنىڭ ءبىرى ءارى ەگەي جاعالاۋىنىڭ باستى اۋە قاقپاسى. تىكەلەي رەيس ەكى قالا اراسىنداعى ساياحاتتى ىڭعايلى ەتىپ، ءوزارا تۋريستىك اعىننىڭ وسۋىنە ىقپال ەتەدى. اكىمدىك حالىقارالىق مارشرۋتتىق جەلىنى كەڭەيتۋ الماتى ءتۋريزمىن دامىتۋدىڭ نەگىزگى باعىتتارىنىڭ ءبىرى بولىپ قالا بەرەتىنىن اتاپ ءوتتى. جاڭا تىكەلەي رەيستەر قالانىڭ كولىكتىك قولجەتىمدىلىگىن ارتتىرىپ، ونىڭ ورتالىق ازياداعى جەتەكشى تۋريستىك جانە اۋە ورتالىقتارىنىڭ ءبىرى رەتىندەگى پوزيسياسىن نىعايتادى.