الماتىدا تۇندە ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتتەر سارايى عيماراتىنىڭ شاتىرى قۇلادى. مەگاپوليس اكىمدىگىنىڭ ءباسپاسوز قىزمەتى بۇل — نىساندى رەكونسترۋكسيالاۋ اياسىنداعى جوسپارلى دەمونتاج، توتەنشە جاعداي ەمەس دەپ ءتۇسىندىردى، دەپ حابارلايدى infohub.kz سايتى.
وقيعا تۋرالى العاشقىلاردىڭ ءبىرى بولىپ الماتى تۇرعىندارى حابارلادى: ولار الەۋمەتتىك جەلىلەردە تۇندە قالاداعى ستۋدەنتتەر سارايىنىڭ شاتىرى قۇلاعانى تۋرالى اقپاراتپەن بولىسە باستادى. كەيىنىرەك ءال-فارابي اتىنداعى قازۇۋ ءباسپاسوز قىزمەتى نىسان رەكونسترۋكسيادا ەكەنىن مالىمدەدى.
باستاپقىدا شاتىردىڭ عيماراتتى جوسپارلى رەكونسترۋكسيالاۋ جۇمىستارىنىڭ ناتيجەسىندە قۇلاعانى، الدە توتەنشە جاعداي بولعانى بەلگىسىز ەدى. ۋنيۆەرسيتەتتىڭ قوسىمشا تۇسىنىكتەمەسىن NUR.KZ تىلشىسىنە الماتى اكىمدىگى بەردى.
«2026 جىلعى 23 قىركۇيەكتە تۇندە ۋ.ا. جولداسبەكوۆ اتىنداعى ستۋدەنتتەر سارايى عيماراتىنىڭ شاتىرىن جوسپارلى دەمونتاجداۋ جۇمىستارى جۇرگىزىلدى. قاۋىپسىزدىكتى قامتاماسىز ەتۋ جانە وقۋ پروسەسىنە كەدەرگى جاساماۋ ءۇشىن بارلىق جۇمىس تۇندە اتقارىلدى. مەردىگەرلەر قاۋىپسىزدىك شارالارىن تولىق ساقتادى. زارداپ شەككەندەر جوق»، — دەلىنگەن حابارلامادا.