الماتى تۇرعىندارى تۇراقتى كەپتەلىستەرمەن كۇرەسۋدىڭ جولدارىن بەلسەندى تۇردە ۇسىنۋدا. ولاردىڭ ءبىر يدەياسى — قايتىمدى قوزعالىستى ەنگىزۋ. بۇل شارا قالا جاعدايىندا ءتيىمدى بولا ما؟ infohub.kz سايتى انىقتادى.
قايتىمدى قوزعالىس دەگەنىمىز — تاڭەرتەڭ جولدىڭ ءبىر بولىگى ءبىر باعىتتا، ال كەشكە قاراما-قارسى باعىتتا جۇرەدى. الماتىلىقتاردىڭ پىكىرى ەكىگە ءبولىندى: كەيبىرى بۇل جاڭاشىلدىق كومەكتەسپەيدى دەسە، ەندى ءبىرى يدەيانى قولدايدى.
«ارينە كومەكتەسەر ەدى، سەبەبى تاڭەرتەڭ ءبىر باعىتتا، كەشكە قاراما-قارسى باعىتتا كەپتەلىس بولادى»،
«قىسقا مەرزىمگە عانا كومەكتەسەر ەدى، كەيىن كەپتەلىس بارىندە بولادى. تەك جەكە كولىكتى شەكتەۋ جانە قوعامدىق كولىكتى دامىتۋ عانا كەپتەلىس ماسەلەسىن شەشەدى».
ءوز كوزقاراسىن ۋربانيست، بۇرىنعى جولاۋشىلار كولىگى باسقارماسىنىڭ باسشىسى داۋرەن الىمبەكوۆ ءبىلدىردى. ونىڭ پىكىرىنشە، قالا ىشىندە قايتىمدى قوزعالىس ءتيىمسىز. «قالا ىشىندە قايتىمدى قوزعالىس ءتيىمدى جۇمىس ىستەمەيدى. اۆتوبۋس جولاقتارى بىرنەشە ەسە تيىمدىرەك بولادى. قالاعا كىرە بەرىستە قايتىمدى قوزعالىستى جاساۋعا بولادى، ويتكەنى تاڭەرتەڭ جانە كەشكە اعىن ايقىن بايقالادى»، – دەدى ساراپشى.
ونىڭ ايتۋىنشا، قالا جاعدايىندا قايتىمدى قوزعالىس ءۇشىن ءبىر قوسىمشا جولاقتان ارتىق ءبولۋ قيىن. سول جولاقتى اۆتوبۋستارعا بەرسە، ونى وتكىزۋ قابىلەتى الدەقايدا جوعارى بولادى، ويتكەنى اۆتوبۋستار جەكە كولىكتەرگە قاراعاندا الدەقايدا كوپ جولاۋشى تاسىمالدايدى. بۇعان دەيىن الماتىدا كەپتەلىسپەن كۇرەسۋدىڭ باسقا دا تاسىلدەرى تۋرالى حابارلانعان بولاتىن، ولار كولىك سانىن ازايتۋدى كوزدەمەيدى.