الماتىدا كوشەلەردىڭ بىرىندە جولدىڭ ورتاسىندا كولىك تۇتانىپ كەتتى. ءورت سۋ شاشاتىن ماشينانىڭ كومەگىمەن ءسوندىرىلدى، دەپ حابارلايدى infohub.kz سايتى.
الماتى قالالىق پوليسيا دەپارتامەنتىنىڭ مالىمەتىنشە، سوبر قىزمەتكەرلەرى قىزمەتتىك مىندەتتەرىن اتقارۋ بارىسىندا جولدا جالىنداپ جاتقان كولىكتى بايقاعان. ولار دەرەۋ توقتاپ، ءقاۋىپتى ايماقتا قوزعالىستى جاۋىپ، اينالاداعىلاردىڭ قاۋىپسىزدىگىن قامتاماسىز ەتىپ، ءورت سوندىرۋگە كىرىسكەن. الايدا كادىمگى ءورت سوندىرگىشپەن وتتى تىزگىندەۋ مۇمكىن بولماعان – جالىن قاتتى كۇشەيىپ كەلە جاتقان. سوندا پوليسەيلەر جانىنان ءوتىپ بارا جاتقان سۋ شاشاتىن ماشينانى توقتاتىپ، ونىڭ سۋىن پايدالانىپ ءورتتى سوندىرگەن.
پوليسيا دەپارتامەنتىندە اتاپ وتكەندەي، جاۋىنگەرلەردىڭ باتىل، ساۋاتتى ءارى ۇيلەسىمدى ىس-ارەكەتتەرىنىڭ ارقاسىندا ءورت قىسقا مەرزىمدە ءسوندىرىلدى. ەشكىم زارداپ شەككەن جوق، ەڭ باستىسى – ءورتتىڭ تارالۋىنا جانە اۋىر زارداپتارعا جول بەرىلمەدى.