قازاقستاننىڭ وڭتۇستىك استاناسى تاعى دا وڭتۇستىككورەيالىق اۋديتوريانىڭ نازارىن اۋداردى: 2026 جىلعى 14 تامىزدا MBC ارناسىندا الماتىعا ارنالعان تانىمال I Live Alone شوۋىنىڭ جاڭا شىعارىلىمى جارىق كوردى. باعدارلامادا قالانىڭ كورسەتىلۋى جاڭا تۋريستەردىڭ اعىنىنا جانە مەگاپوليسكە دەگەن قىزىعۋشىلىقتىڭ ارتۋىنا ىقپال ەتۋى مۇمكىن، دەپ حابارلايدى infohub.kz سايتى.
الماتى اكىمدىگىنىڭ ءباسپاسوز قىزمەتىنىڭ مالىمەتىنشە، شىعارىلىمنىڭ باستى كەيىپكەرى تانىمال تەلەجۇرگىزۋشى ءارى كوميك چون حەن-مۋ بولدى. ساپار بارىسىندا ول الماتى حالىقارالىق اۋەجايىنا، كوكتوبەگە، جاسىل بازارعا جانە ارباتقا باردى، سونداي-اق قايىڭدى كولىنە اتتاندى.
«I Live Alone — وڭتۇستىك كورەيانىڭ ميلليونداعان اۋديتورياسى بار تانىمال ويىن-ساۋىق باعدارلامالارىنىڭ ءبىرى. چون حەن-مۋ قاتىسقان شىعارىلىم جۇرگىزۋشىنىڭ تانىمالدىعىنا بايلانىستى دا قىزىقتى، ونىڭ الەۋمەتتىك جەلىلەردەگى اككاۋنتتارىنا 800 مىڭنان استام پايدالانۋشى جازىلعان»، — دەلىنگەن حابارلامادا.
شىعارىلىم وتە جارقىن بولدى: وندا قالا ءومىرى دە، قازاق مادەنيەتى دە، كەرەمەت تابيعات كورىنىستەرى دە كورسەتىلدى.
ەفيرگە شىققاننان كەيىن بەينە MBCء-دىڭ رەسمي YouTube-ارناسىندا پايدا بولدى. الماتىعا ساپار تۋرالى بەينەروليك 500 مىڭنان استام قارالىم جينادى. پىكىرلەردە كورەرمەندەر قالا مەن كورگەن جەرلەرى تۋرالى اسەرلەرىمەن بولىسۋدە.
«2025 جىلدىڭ قورىتىندىسى بويىنشا قالاعا وسى ەلدەن 23 مىڭنان استام تۋريست كەلدى. سونىمەن قاتار، الماتى كورەي ساياحاتشىلارى ءۇشىن عانا ەمەس، جەرگىلىكتى ب ا ق ءۇشىن دە حالىقارالىق كونتەنت ءتۇسىرۋ الاڭى رەتىندە قىزىقتى. بۇعان دەيىن قالادا SBSء-تىڭ تانىمال «مەنىڭ كىشكەنتاي بويداق جىگىتىم» شوۋىنىڭ ارنايى شىعارىلىمى تۇسىرىلگەن بولاتىن، ەندى الماتى MBC-دەگى I Live Alone باعدارلاماسىندا كورسەتىلدى. وسىلايشا، قالا كورەي اۋديتورياسىنىڭ نازارىن تۋريستىك باعىت جانە حالىقارالىق مەدياجوبالار الاڭى رەتىندە ءجيى اۋدارۋدا»، — دەپ تۇيىندەدى اكىمدىك.
بۇعان دەيىن Kursiv LifeStyle YE (كانە ۋەست) كونسەرتىنە الماتىدا 31 مىڭ كورەرمەن كەلگەنىن، ونىڭ ىشىندە 50-دەن استام ەل مەن اۋماقتان شامامەن 7،7 مىڭ تۋريست بولعانىن جازعان بولاتىن. تۋريستىك اعىننىڭ ەكونوميكالىق اسەرىن ۇيىمداستىرۋشىلار شامامەن 5 ملرد تەڭگە دەپ باعالادى.