الماتىدا كامەلەتكە تولماعان قىزدى ۇرىپ-سوققان قاتىگەز ۆيدەو جەلىدە تارادى. پوليسيا قىلمىستىق ءىس قوزعاعانىن مالىمدەدى، دەپ حابارلايدى infohub.kz.
Telegram-كانالى HALYQSTAN-دا قاتىگەز قورلىق تۇسىرىلگەن ۆيدەو جاريالاندى. ءبىر توپ قىز قۇربىسىنىڭ بەتىنەن ۇرىپ، شاشىنان تارتىپ، قورلاپ، تىزەرلەتىپ، ءبارىن ۆيدەوعا ءتۇسىرىپ العانى حابارلانادى.
جاريالانىمدا ۇرىپ-سوعۋعا قاتىسۋشىلاردىڭ ءبىرى – كامەلەتكە تولماعان قىز – جازبانى الەۋمەتتىك جەلىلەردە جاريالاعانى ايتىلادى. كەيىن ۆيدەو جويىلعانىمەن، پوليسيا قىزمەتكەرلەرى ونى سول ۋاقىتتا زەرتتەپ ۇلگەرگەن.
ءتىلشى الماتى پوليسيا دەپارتامەنتىنە تۇسىنىكتەمە سۇراعان. ول جەردە ۆيدەودان ءبىر توپ ءجاسوسپىرىمنىڭ كامەلەتكە تولماعان قىزعا قاتىستى قۇقىققا قارسى ارەكەتتەرى تۇسىرىلگەنى ايتىلدى. وسى فاكتى بويىنشا قىلمىستىق ءىس تەرگەلۋدە.
«قازىرگى تاڭدا وقيعانىڭ بارلىق قاتىسۋشىلارى انىقتالدى. بولعان وقيعانىڭ بارلىق ءمان-جايىن جان-جاقتى، تولىق جانە وبەكتيۆتى تۇردە انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلۋدە»، — دەپ ناقتىلادى پوليسيادان.
تەرگەۋ بارىسى الماتى پوليسيا دەپارتامەنتى باسشىلىعىنىڭ باقىلاۋىندا ەكەنى اتاپ وتىلەدى.