الماتىدا قالا تۇرعىندارى تاعى دا بەتونمەن قاپتالعان اعاشتاردى بايقادى — بۇل جولى كۇرمانعازى كوشەسىندە جاسىل جەلەكتەردىڭ تامىرى بەتون قاباتىنىڭ استىندا قالدى، دەپ حابارلايدى infohub.kz سايتى.
ابىلاي حان داڭعىلى مەن پانفيلوۆ كوشەسىنىڭ ارالىعىندا ءقازىر اباتتاندىرۋ جانە گاسترونوميالىق كوشە ۇيىمداستىرۋ جۇمىستارى ءجۇرىپ جاتىر. الەۋمەتتىك جەلىلەردە جاياۋ جۇرگىنشى جولىنىڭ شەتى بەتونمەن قۇيىلىپ، قاسىنداعى اعاشتاردىڭ تامىرى سۋعا باتقان بەينەجازبا پايدا بولدى. بەينەجازبا دەنيس تەن ەسكەرتكىشى ورناتىلعان سكۆەردىڭ قارسى بەتىندە تۇسىرىلگەن.
بەينەجازبا جاريالانعاننان كەيىن اكىمدىككە كوپتەگەن شاعىم مەن ايىپتاۋ كەلىپ ءتۇستى. مۇنداي جاعدايلار سوڭعى ءبىر جىلدا قالادا بىرنەشە رەت تىركەلگەن. المالى اۋدانى اكىمدىگىندە بۇل ۋچاسكەدە تىك قۇلديلاۋعا بايلانىستى جاسىل ايماقتىڭ دەڭگەيىن كوتەرىپ جاتقانىن ءتۇسىندىردى. ولاردىڭ ايتۋىنشا، قۇيىلعان بەتوننان ءتىرى وسىمدىكتەردىڭ ەشقايسىسى زارداپ شەكپەگەن.
«جەلىدە تارالىپ جاتقان بەينەماتەريالدارعا قاتىستى ايتامىز: كادرلاردا تۇسىرىلگەن نىسان — شامامەن ەكى جىل بۇرىن كەسىلگەن اعاشتىڭ ءتۇبىرى. اعىمداعى جۇمىستار بارىسىندا ءتىرى كوپجىلدىق جاسىل جەلەكتەر زاقىمدالعان جوق»، — دەپ جازدى اكىمدىكتە.
سونىمەن قاتار، مەردىگەر قۇرىلىس جۇمىستارىن جۇرگىزۋ كەزىندەگى بۇزۋشىلىقتار مەن اۋماقتى ءتيىستى دەڭگەيدە ۇستاماعانى ءۇشىن ايىپپۇل ارقالادى. ۆەدومستۆو جاسىل ايماقتى قالپىنا كەلتىرىپ، جاڭا بۇتالار وتىرعىزۋعا ۋادە بەردى.
ەسكە سالايىق، الماتىنىڭ العاشقى گاسترونوميالىق كوشەسى تۋرالى اقپان ايىندا ايتىلا باستاعان. اكىمدىكتىڭ جوسپارى بويىنشا، كۇرمانعازى كوشەسىندە «ساپالى قالالىق سەرۋەندەۋ الاڭى جانە تۇرعىندار مەن قوناقتار ءۇشىن تارتىمدى نۇكتە» پايدا بولادى.
بۇعان دەيىن Kursiv LifeStyle ماسانچي گاسترونوميالىق كوشەسىنىڭ قانداي بولاتىنىن كورسەتكەن.