الماتىدا قۇرىلىس سالاسىنا باقىلاۋ كۇشەيتىلدى. تەكسەرۋ قورىتىندىسى بويىنشا ءتورت قۇرىلىس كومپانياسى ليسەنزياسىنان ايىرىلسا، 350 ۇيىمنىڭ ليسەنزياسى ۋاقىتشا توقتاتىلدى، دەپ حابارلايدى infohub.kz سايتى.
الماتى اكىمدىگىنىڭ مالىمەتىنشە، قۇرىلىس سالاسىنداعى باقىلاۋ قالا اكىمى دارحان ساتىبالدىنىڭ تاپسىرماسى بويىنشا كۇشەيتىلگەن. الەۋمەتتىك نىسانداردى جوبالاۋ جانە سالۋمەن اينالىساتىن كومپانيالارعا ەرەكشە نازار اۋدارىلدى.
«باقىلاۋ ءىس-شارالارىنىڭ قورىتىندىسى بويىنشا ءتورت قۇرىلىس كومپانياسى ليسەنزياسىنان ايىرىلدى، تاعى 350 كومپانيانىڭ ليسەنزياسى توقتاتىلدى. قۇرىلىس قىزمەتىنىڭ 437 سۋبەكتىسىنە قاتىستى شارالار قابىلداندى»، — دەلىنگەن اكىمدىك حابارلاماسىندا.
«SK BEST Spec Story KZ» ج ش س جوبالاۋعا ارنالعان I ساناتتى مەملەكەتتىك ليسەنزياسىنان ايىرىلدى. سونداي-اق «وتاۋ-قۇرمەت» ج ش س جانە «قازعزيسا» اق «دو» ج ش س ليسەنزياسىنان ايىرىلدى. «ساۋلەت قۇرىلىس كونسالتينگى» ءجشس-نىڭ ليسەنزياسىنىڭ ءبىر كىشى ءتۇرى جويىلدى.
اكىمدىكتە قۇرىلىس جوبالارىن ىسكە اسىرۋعا بەلگىلەنگەن تالاپتاردى ساقتاي الاتىن جانە قۇرىلىس ساپاسىن قامتاماسىز ەتە الاتىن كومپانيالار عانا جىبەرىلەتىنىن اتاپ ءوتتى.
بۇعان دەيىن «كۋرسيۆ» 2025 جىلدىڭ قورىتىندىسى بويىنشا استانا اكىمدىگىنە قاراستى LRT قۇرىلىس ديرەكسياسى 62،4 ملن تەڭگە كولەمىندە شىعىنعا ۇشىراعانىن جازعان ەدى — بۇل ءبىر جىل بۇرىنعىدان بەس ەسە دەرلىك كوپ. كومپانيا جوباعا تەحنيكالىق قولداۋ كورسەتىپ، جەڭىل رەلستى كولىك جەلىسىنىڭ جوبالاۋى مەن قۇرىلىسىن باقىلاعان جانە LRT پايدالانۋعا بەرىلگەنشە جۇمىسىن جالعاستىرادى.