الەۋمەتتىك جەلىدە الماتىدا ءبىر قىزدى اياۋسىز ۇرىپ-سوعۋ ۆيدەوسى تارادى. كادرلاردان بىرنەشە قىزدىڭ ونى ۇرىپ، شاشىنان ج ۇلىپ، سوققى بەرگەنى كورىنەدى. وسى كەزدە بولىپ جاتقان وقيعانى كامەراعا ءتۇسىرىپ وتىرعانى دا بايقالادى. بۇل تۋرالى Orda.kz سايتى حابارلايدى.
پايدالانۋشىلاردىڭ نارازىلىعىن تۋدىرعان نارسە — جازبانىڭ الەۋمەتتىك جەلىگە جاريالانۋى. كادرلارعا قاراعاندا، بەينەروليكتى جانجالعا قاتىسۋشىلاردىڭ ءبىرى ءوزى جاريالاپ، ونى انمەن سۇيەمەلدەگەن. كەيىن اككاۋنت يەسى روليكتى جويعانىمەن، باسقا پايدالانۋشىلار ونى تاراتا باستاعان.
پىكىرلەردە پايدالانۋشىلار توبەلەسكە قاتىسۋشىلاردىڭ بارلىعىنىڭ جەكە باسىن انىقتاپ، كىنالىلەردى جاۋاپكەرشىلىككە تارتۋدى تالاپ ەتەدى. ءبىر پىكىر قالدىرۋشى پوليسياعا ارىز جازعانىن حابارلادى.
رەداكسيا پوليسياعا سۇراۋ جولدادى — وقيعا قاي جەردە بولعانى، فاكت تىركەلگەن بە جانە تەكسەرۋ جۇرگىزىلىپ جاتقانىن ءبىلۋ ءۇشىن. جاريالاۋ كەزىندە جاۋاپ كەلىپ تۇسپەگەن.
بۇعان دەيىن قاسكەلەڭدە بىرنەشە ءجاسوسپىرىمنىڭ ەر ادامدى ۇرىپ-سوققانىن جازعان بولاتىنبىز. پوليسيا توبەلەسكە قاتىسۋشىلاردىڭ بارلىعىن انىقتاپ، كامەلەتكە تولماعانداردىڭ اتا-انالارىن جاۋاپكەرشىلىككە تارتقانىن حابارلادى.