الماتىدا جەڭىل رەلستى كولىك (لرت) جەلىسىنىڭ العاشقى رەلستەرى توسەلە باستادى — قۇرىلىس الاڭىنان تۇسىرىلگەن كادرلار الەۋمەتتىك جەلىلەردە تارادى، دەپ حابارلايدى infohub.kz سايتى.
ءتيىستى جازبا Instagram جەلىسىندەگى lrt.almaty پاراقشاسىندا جاريالاندى. بەينەجازباعا قىسقاشا اتاۋ بەرىلگەن: «الماتى ءلرت-نىڭ العاشقى رەلستەرى».
بۇعان دەيىن اكىمدىك ءبىرىنشى جەلىنىڭ ءبىرىنشى كەزەگى الاتاۋ اۋدانىنىڭ يندۋستريالىق ايماعىندا، موڭكە بي مەن ب. مومىش ۇلى كوشەلەرىنىڭ تۇسىندا ورنالاسقان دەپودان باستالاتىنىن مالىمدەگەن. ودان ءارى تراسسا ب. مومىش ۇلى كوشەسىمەن تولە بي كوشەسىنە دەيىن، سودان كەيىن تولە بي كوشەسىمەن شىعىس باعىتتا ابىلاي حان داڭعىلىنا دەيىن، ءارى قاراي ابىلاي حان داڭعىلىمەن الماتى-2 تەمىرجول ۆوكزالىنا دەيىن جالعاسادى. سوڭعى ستانسيا رەتىندە «رايىمبەك باتىر» كولىك-الماسۋ تورابى قاراستىرىلعان.
جەلىنى ىسكە قوسۋ 2027 جىلدىڭ سوڭىنا جوسپارلانعان. الايدا اكىمدىك اتاپ وتكەندەي، جوبانى جۇزەگە اسىرۋدىڭ ناقتى مەرزىمى قاجەتتى جىلجىمالى قۇرامدى دايىنداۋ جانە جەتكىزۋ مەرزىمدەرىنە بايلانىستى وزگەرۋى مۇمكىن.
سونداي-اق ءبىر لرت قۇرامى وڭتۇستىك استانادا 285 جولاۋشىنى تاسىمالداي الاتىنى حابارلانعان. قوزعالىستىڭ ورتاشا جىلدامدىعى 35 كم/ساع قۇرايدى.