الماتىدا 25 شىلدەدەن باستاپ جەڭىل رەلستى كولىك (لرت) جەلىسىن سالۋ ءۇشىن 165 ترامۆاي تىرەگىن بۇزۋ جۇمىستارى باستالادى، دەپ حابارلايدى infohub.kz سايتى.
الماتى اكىمدىگىنىڭ مالىمەتىنشە، ءلرت-تىڭ ءبىرىنشى جەلىسىن سالۋ اياسىندا تولە بي كوشەسىنىڭ مومىش ۇلى كوشەسىنەن جاروكوۆ كوشەسىنە دەيىنگى ۋچاسكەسىندە بۇرىنعى ترامۆاي جەلىسىنىڭ كونتاكتىلىك جەلىسىنىڭ ەسكى تىرەكتەرى بۇزىلادى. ولاردىڭ ورنىنا جاڭا ساندىك سىرتقى جارىقتاندىرۋ تىرەكتەرى ورناتىلادى.
قازىرگى تىرەكتەردە ەلەكتر بەرۋ جەلىلەرى، بايلانىس جەلىلەرى، ينتەرنەت-پروۆايدەرلەر مەن باسقا دا ينجەنەرلىك جەلىلەر ورنالاسقان. كوممۋنيكاسيا يەلەرىنىڭ ءبىر بولىگى ءالى كۇنگە دەيىن ولاردى كوشىرمەگەن، ال كەيبىر جەلىلەردىڭ يەلەرى انىقتالماعان.
جول قوزعالىسىن ۇيىمداستىرۋ ورتالىعى (جقۇو) ينجەنەرلىك جەلى يەلەرىن 24 شىلدەگە دەيىن وزدەرىنە تيەسىلى كوممۋنيكاسيالاردى بۇزۋعا نەمەسە قايتا جابدىقتاۋعا شاقىرادى. 25 شىلدەدەن باستاپ وسى ۋچاسكەدە قۇرىلىس-مونتاج جۇمىستارى باستالادى. جۇمىستار اياقتالعاننان كەيىن قولدانىستاعى اۋە جەلىلەرىن جاڭا تىرەكتەرگە ورنالاستىرۋ جوبادا كوزدەلمەگەن.