الماتىلىقتارعا مىندەتتى الەۋمەتتىك مەديسينالىق ساقتاندىرۋ اياسىندا كورسەتىلگەن قىزمەت ءۇشىن قالانىڭ مەديسينالىق ۇيىمدارىنا وسى جىلدىڭ قازان ايىنا دەيىن 130،3 ملرد تەڭگە تولەندى. بۇل — 211،8 ملرد تەڭگەلىك جىلدىق بيۋدجەتتىڭ 62%-عا جۋىعى، دەپ حابارلايدى infohub.kz سايتى.
الەۋمەتتىك مەديسينالىق ساقتاندىرۋ قورىنىڭ الماتى فيليالىنىڭ دەرەگىنشە، تولەمنىڭ باسىم بولىگى ستاسيونارلىق ەمدەۋگە جۇمسالدى — 74،2 ملرد تەڭگەدەن استام. تاعى شامامەن 5،8 ملرد تەڭگە كۇندىزگى ستاسيونار قىزمەتىن وتەۋگە باعىتتالدى.
باسقا باعىتتار بويىنشا دا ايتارلىقتاي قارجى يگەرىلدى: كونسۋلتاسيا مەن دياگنوستيكا — 22،2 ملرد تەڭگە، وڭالتۋ — 5،1 ملرد تەڭگە، جوعارى تەحنولوگيالىق مەديسينالىق كومەك — رەكوردتىق 16،8 ملرد تەڭگە.
قوردىڭ الماتى فيليالىنىڭ ديرەكتورى ءىلياس مۇحامەدجان ءمامس جۇيەسىنىڭ ارقاسىندا قالا تۇرعىندارى جىل سايىن قىمبات تۇراتىنداردى قوسا العاندا، حيرۋرگيالىق ارالاسۋدىڭ ءتۇرلى تۇرىنە قول جەتكىزىپ وتىرعانىن اتاپ ءوتتى. ونىڭ ايتۋىنشا، مۇنداي وتالار كۇردەلىلىگىنە قاراي ەمحانالاردا دا، عىلىمي ورتالىقتاردا دا جاسالادى.
«ايتا كەتەيىك، قىمبات وتالار تۋرالى ايتساق، ساقتاندىرىلماعان ادامعا ولار بىرنەشە ميلليون تەڭگەگە شىعۋى مۇمكىن جانە جارنا مەن اۋدارىم مولشەرىنە تاۋەلدى ەمەس. مىنە، ءمامس جۇيەسىنىڭ الەۋمەتتىك باعىتتىلىعى وسى بولسا كەرەك»، — دەدى ءىلياس مۇحامەدجان.
ەڭ قىمبات ارالاسۋلاردىڭ ۇشتىگىنە مىنالار ەندى: يمپلانتاسيالاناتىن قوسالقى جۇرەك جۇيەسىن ورناتۋ — 80،2 ملن تەڭگە (2025 جىلى ءبىر وتا جاسالسا، 2026 جىلدىڭ 8 ايىندا ولاردىڭ سانى 14-كە جەتتى)؛ اللوگەندى گەموپوەتيكالىق باعانالى جاسۋشالاردى ترانسپلانتاسيالاۋ — 17،5 ملن تەڭگە؛ ءميترالدى كلاپاندى كليپتەۋ — 17،4 ملن تەڭگە (2025 جىلى ەكى پروسەدۋرا، 2026 جىلدىڭ 8 ايىندا 19).
كارديوحيرۋرگيالىق وتالارعا 19،9 ملرد تەڭگە باعىتتالىپ، 7 367 ارالاسۋ جاسالدى. مۇنداي ءبىر وتانىڭ ورتاشا قۇنى شامامەن 3 ملن تەڭگەگە باعالانادى.
سونىمەن قاتار قالادا 5،6 ملرد تەڭگەگە 3 167 نەيروحيرۋرگيالىق وتا، سونداي-اق جالپى قۇنى 5،3 ملرد تەڭگە بولاتىن جامباس جانە تىزە بۋىندارىن الماستىرۋ بويىنشا 3 368 وتا جاسالدى. تىزىمگە 4،6 ملرد تەڭگەگە 3 558 تامىرلىق جانە نەيروتامىرلىق ارالاسۋ مەن 303،5 ملن تەڭگەگە باۋىر، بۇيرەك جانە جۇرەك ترانسپلانتاسياسى بويىنشا 54 وتا ەندى.