الماتىدا وتكەن دەمالىس كۇندەرى كۇزگى Almaty marafon ءوتتى: ۇيىمداستىرۋشىلار 15 جىلدان بەرى العاش رەت تراسسانى وزگەرتتى، ادەتتەگىدەن كوپ كوشە جابىلدى، دەپ حابارلايدى infohub.kz سايتى.
27 قىركۇيەك، جەكسەنبى كۇنى تاڭەرتەڭ قالا كوشەلەرىمەن 16 مىڭ سپورتشى مەن اۋەسقوي جۇگىردى. ولاردىڭ 1،5 مىڭى الماتىعا شەت ەلدەردەن كەلگەن. جۇگىرۋ جارىستارىنىڭ ءداستۇرى بويىنشا، كەيبىر قاتىسۋشىلار ەرەكشە كوستيۋمدەرمەن قاشىقتىققا شىقتى.
10 كم قاشىقتىقتا پەرى كوزگە ءتۇستى.
«كەڭسە قىزمەتكەرى» كوپتىڭ نازارىن اۋداردى. جاس جىگىت الەۋمەتتىك جەلىلەرىندە اڭگىمەلەسۋگە اسىعىپ بارا جاتقانىن ازىلدەپ جازدى.
بەس ادامنان تۇراتىن توپتى دا بايقاماۋ مۇمكىن ەمەس ەدى: ولاردىڭ بارلىعى بىردەي دوڭگەلەك كوستيۋمدەرىن كيگەن.
مارافوننان كەيىن دە كەيبىر الماتىلىقتار الەۋمەتتىك جەلىلەردە تەرىس پىكىر جازادى. الايدا 15 جىلدان بەرى جولداردىڭ جابىلاتىنى جانە تراسسانىڭ قايدا وتەتىنى ءبىر اي بۇرىن ەسكەرتىلەدى. سونىمەن قاتار، سپورتتىق شارا قالاعا تۋريستەردى، دەمەك، اقشا مەن كوتەرىڭكى كوڭىل-كۇيدى دە تارتادى.
بۇعان دەيىن Kursiv LifeStyle تەررەنكۋردا الماتى مارافونىنا ارنالعان جاڭا مۋرال پايدا بولعانىن جازعان. ول ءال-فارابي داڭعىلىنىڭ استىنداعى توننەلدە سالىندى.