2025 جىلدىڭ قورىتىندىسى بويىنشا الماتى مەتروسىنىڭ العاشقى جەلىسى مەن كەيىنگى ستانسيالارىن سالعان «الماتىمەتروكۇرىلىس» كومپانياسى 866،9 ملن تەڭگە شىعىنعا ۇشىرادى. كاسىپورىننىڭ تابىسى نەبارى 977 مىڭ تەڭگەنى قۇرادى، بۇل قۇرىلىس قىزمەتىنىڭ ءىس جۇزىندە توقتاعانىن كورسەتەدى. سونىمەن قاتار، جىل بويى اقشا قاراجاتىنىڭ قوزعالىسى ءىس جۇزىندە بولماعان، دەپ حابارلايدى infohub.kz.
نەگىزگى شىعىن 233 ملن تەڭگە اكىمشىلىك شىعىستاردان (ونىڭ ىشىندە 70 ملن تەڭگە كوممۋنالدىق تولەمدەر) جانە 1 ملرد تەڭگە باسقا دا شىعىنداردان قالىپتاستى. دەبيتورلىق بەرەشەكتىڭ قۇنسىزدانۋى بويىنشا شىعىستار 936 ملن تەڭگەگە جەتىپ، تەرىس قارجىلىق ناتيجەنىڭ باستى فاكتورىنا اينالدى. سونىمەن قاتار، كومپانيا جالداۋ اقىسى مەن باعامدىق ايىرماشىلىقتان 371 ملن تەڭگە تابىس تاپتى.
2025 جىلدىڭ سوڭىندا جيناقتالعان شىعىن 8 ملرد تەڭگەنى قۇرادى. قىسقا مەرزىمدى مىندەتتەمەلەر قىسقا مەرزىمدى اكتيۆتەردەن 3،9 ملرد تەڭگەگە اسىپ ءتۇستى. مەردىگەرلەر الدىنداعى كرەديتورلىق بەرەشەك 2،3 ملرد تەڭگەگە جەتتى. ونىڭ ىشىندە ۆاگوندار جەتكىزگەن وڭتۇستىككورەيالىق Hyundai Rotem Company الدىنداعى قارىز — 694 ملن تەڭگە، مەملەكەتتىك «مەتروپوليتەن» مكك الدىنداعى — 309 ملن تەڭگە، «زەينەت» ينجينيرينگتىك كومپانياسى الدىنداعى — 196،7 ملن تەڭگە.
ەسەپتە كومپانيانىڭ بانكتىك شوتتارى تۇتقىندالعانى، م ۇلىككە اۋىرتپالىق سالىنعانى، ال كومپانيانىڭ ءوزى سالىق، سوت جانە اتقارۋشىلىق ءىس جۇرگىزۋلەرگە قاتىسىپ جاتقانى اتاپ وتىلگەن. 2022–2023 جىلدارى ول مەردىگەرلەردىڭ كوپتەگەن تالاپ-ارىزدارى بويىنشا جاۋاپكەر بولدى. سوت 591 ملن تەڭگە تولەۋگە مىندەتتەدى، ونىڭ ىشىندە Hyundai Rotem Company الدىنداعى $1،4 ملن قارىز، «مەتروپوليتەن» مكك الدىنداعى 300 ملن تەڭگە جانە «ءال مانسۋر» قۇرىلىس كومپانياسى الدىنداعى 103 ملن تەڭگە. بەرەشەكتەر وتەلمەگەن، اتقارۋشىلىق ءىس جۇرگىزۋ جالعاسۋدا.
2010 جىلدان باستاپ كومپانيا مەن ونىڭ قىزمەتكەرلەرى قۇقىق قورعاۋ ورگاندارىنىڭ نازارىنا بىرنەشە رەت ىلىككەن. 2015 جىلى بۇرىنعى باسشى مۇرات ۇكشەبايەۆ 2010–2012 جىلدارى 2،5 ملرد تەڭگەنى جىمقىرعانى ءۇشىن توعىز جىلعا سوتتالدى. 2017 جىلى پروكۋراتۋرا ساتىپ الۋ كولەمىن اسىرا كورسەتۋ ارقىلى 7،7 ملرد تەڭگەدەن استام قاراجاتتى جىمقىرۋ فاكتىسى بويىنشا تەرگەۋ جۇرگىزدى، ءبىراق 2018 جىلى ءىس قىلمىس قۇرامىنىڭ بولماۋىنا بايلانىستى جابىلدى.
ەڭ ءىرى ءىس 2018–2020 جىلدارى «سارىارقا» جانە «دوستىق» (قازىرگى «باۋىرجان مومىش ۇلى») ستانسيالارىنىڭ قۇرىلىسى كەزىندە 5 ملرد تەڭگەدەن استام قاراجاتتى جىمقىرۋدى تەرگەۋ بولدى. وعان «مەتروپوليتەن» مكك، «الماتىمەتروكۇرىلىس» جانە «اۆتوماتيزاسيا ي تەحنولوگيي سەرۆيس» ءجشس-نىڭ بۇرىنعى باسشىلارى مەن قىزمەتكەرلەرى قاتىستى. تەرگەۋ نۇسقاسى بويىنشا، جابدىقتىڭ قۇنى اسىرا باعالانىپ، قاراجات اينالىم كومپانيالار ارقىلى شىعارىلعان. 2024 جىلدىڭ ماۋسىمىندا الماتى قالاسىنىڭ المالى اۋداندىق سوتى 10 ايىپتالۋشىنى كىنالى دەپ تانىدى، نەگىزگى ايىپتالۋشىلار جەتى جىلدان سەگىز جىلعا دەيىن باس بوستاندىعىنان ايىرىلدى.
قازىرگى ۋاقىتتا مەترونىڭ جاڭا ستانسيالارىن سالۋدىڭ نەگىزگى مەردىگەرى — Bazis Construction. «الماتىمەتروكۇرىلىستىڭ» جالعىز اكسيونەرى — كاسىپكەر قايرات رەيىموۆ.