الماتى مەتروپوليتەنى 2025 جىلدىڭ قورىتىندىسى بويىنشا تازا شىعىن 6،96 ملرد تەڭگەنى قۇراعانىن infohub.kz سايتى حابارلايدى.
كاسىپورىننىڭ قارجىلىق ەسەپتىلىگىنە سايكەس، جىل ىشىندە ءتۇسىم 23،2%-عا ءوسىپ، 2024 جىلعى 2،17 ملرد تەڭگەمەن سالىستىرعاندا 2،68 ملرد تەڭگەگە جەتتى. الايدا بۇل قاراجات شىعىنداردى جابۋعا جەتكىلىكسىز بولدى.
قىزمەت كورسەتۋ قۇنى وتكەن جىلعى 19،94 ملرد تەڭگەدەن 22،05 ملرد تەڭگەگە دەيىن ءوستى. ناتيجەسىندە جالپى شىعىن 19،38 ملرد تەڭگەنى قۇرادى، ال 2024 جىلى بۇل كورسەتكىش 17،77 ملرد تەڭگە بولعان ەدى.
قارجىلىق ناتيجەنى جاقسارتۋعا 13،6 ملرد تەڭگە كولەمىندەگى وزگە دە كىرىستەر كومەكتەستى (2024 جىلى — 11،68 ملرد تەڭگە). وسىنىڭ ارقاسىندا وپەراسيالىق شىعىن وتكەن جىلعى 8،05 ملرد تەڭگەدەن 6،96 ملرد تەڭگەگە دەيىن قىسقاردى.
بارلىق كىرىستەر مەن شىعىنداردى ەسەپتەگەندە، كاسىپورىننىڭ 2025 جىلعى قورىتىندى شىعىنى 6،96 ملرد تەڭگەنى قۇرادى.
مەتروپوليتەننىڭ اكتيۆتەرى جىل ىشىندە 8،8%-عا (24،3 ملرد تەڭگەگە) ءوسىپ، 301،5 ملرد تەڭگەگە جەتتى. مىندەتتەمەلەر 49،7%-عا (1،5 ملرد تەڭگەگە) ارتىپ، 4،5 ملرد تەڭگەنى قۇرادى.
بۇعان دەيىن الماتىلىقتارعا «قالقامان» مەترو بەكەتىنىڭ دايىن ءتۇرى كورسەتىلگەن ەدى.