الماتىدا قاتتى جاڭبىردان كەيىن جۇرگىزۋشىلەر داڭعىلداردىڭ بىرىنەن وتۋدە ۇلكەن قيىندىققا تاپ بولدى — جولدىڭ ءبىر بولىگى وپىرىلىپ، بىرنەشە كولىك تەرەڭ شۇڭقىرعا ءتۇسىپ قالدى. اقاۋ جويىلىپ جاتىر، دەپ حابارلايدى infohub.kz سايتى.
kris_p_almata Instagram پاراقشاسىندا حابارلاعانداي، تۇندە الماتىدا مومىش ۇلى داڭعىلىندا جولدىڭ وپىرىلۋىنان كەپتەلىس پايدا بولعان.
«جول جوندەۋ جۇمىستارىنان كەيىن جولدىڭ ءبىر بولىگى وپىرىلىپ، تەرەڭ شۇڭقىر پايدا بولدى. بىرنەشە كولىك وپىرىلىمعا ءتۇسىپ، اتالعان ۋچاسكەدە قوزعالىس قيىندادى»، — دەلىنگەن جاريالانعان بەينەجازبالاردىڭ سيپاتتاماسىندا.
NUR.KZ ءتىلشىسى الماتى اكىمدىگىنىڭ ءباسپاسوز قىزمەتىنە تۇسىنىكتەمە سۇراپ حابارلاستى. وندا قالالىق جول ينفراقۇرىلىمىن دامىتۋ باسقارماسىنىڭ جاۋابى بەرىلدى.
«LRT جوباسىن ىسكە اسىرۋ اياسىندا مومىش ۇلى جانە تولە بي كوشەلەرىنىڭ ۋچاسكەلەرىندە ينجەنەرلىك جەلىلەردى قايتا جابدىقتاۋ جۇمىستارى جۇرگىزىلدى. قاتتى جاۋىن-شاشىنعا بايلانىستى جەكەلەگەن ۋچاسكەلەردە توپىراق شوگىپ، كولىك قوزعالىسىنىڭ قيىنداۋىنا اكەپ سوقتى. قازىرگى تاڭدا مەردىگەر ۇيىم كولىك ءقاۋىپسىز ءجۇرۋى ءۇشىن نەگىزدى تىعىزداۋ مەن ۋاقىتشا شارا رەتىندە فرەزەرلەنگەن اسفالتبەتوندى قولدانۋدى قامتيتىن قالپىنا كەلتىرۋ جۇمىستارىن جۇرگىزۋدە»، — دەپ سەندىردى باسقارمادا.
اسفالتبەتون جابىن اۋا رايى تۇراقتانعاننان كەيىن قالپىنا كەلتىرىلەتىنى اتاپ ءوتىلدى.