الماتى وبلىسىندا الەۋمەتتىك تۇرعىن ۇيگە بولىنگەن 101 ملن تەڭگەنى جىمقىرعان قىلمىستىق ءىستىڭ ءۇش فيگۋرانتى سوت الدىنا وتىردى، دەپ حابارلايدى infohub.kz سايتى.
NUR.KZ ايماقتىق پروكۋراتۋراعا سىلتەمە جاساپ حابارلاعانداي، ءتيىستى اقپارات ۆەدومستۆونىڭ رەسمي سايتىندا جاريالانعان.
رايىمبەك اۋدانىنىڭ پروكۋراتۋراسى الەۋمەتتىك وسال ازاماتتارعا تۇرعىن ءۇي ساتىپ الۋدىڭ زاڭدىلىعىنا تالداۋ جۇرگىزدى. تالداۋ اياسىنا 2019–2024 جىلدار ارالىعىندا جالپى سوماسى 596 ملن تەڭگەدەن اساتىن 55 تۇرعىن ءۇي ساتىپ الۋعا بايلانىستى مەملەكەتتىك ساتىپ الۋلار كىردى.
تەكسەرۋ بارىسىندا تۇرعىن ءۇي قۇنىن اسىرا باعالاۋ، ودان كەيىن بيۋدجەت قاراجاتىن قولما-قول اقشاعا اينالدىرىپ، قاتىسۋشىلار اراسىندا ءبولۋ سحەماسى انىقتالدى.
سوتقا دەيىنگى تەرگەۋ اياسىندا مەملەكەتكە كەلتىرىلگەن شىعىن 101،4 ملن تەڭگە بولىپ بەلگىلەندى.
2026 جىلعى 5 تامىزداعى سوت ۇكىمىمەن ءۇش فيگۋرانت قازاقستان رەسپۋبليكاسى قىلمىستىق كودەكسىنىڭ 189-بابى (بوتەننىڭ سەنىپ تاپسىرىلعان مۇلكىن يەمدەنۋ نەمەسە ىسىراپ ەتۋ) بويىنشا كىنالى دەپ تانىلدى. ولارعا 7 جىلدان 8 جىلعا دەيىن باس بوستاندىعىنان ايىرۋ جازاسى تاعايىندالىپ، ءتيىستى لاۋازىمداردى ءومىر بويى اتقارۋ قۇقىعىنان ايىرىلدى.
ۇكىم ءالى زاڭدى كۇشىنە ەنبەگەنى اتاپ ءوتىلدى.