الماتى وبلىسىنداعى پانفيلوۆو ەلدى مەكەنىنىڭ تۇرعىندارى ءۇش جىل بويى ماڭايداعى مال سويۋ ورنىنان شىققان شىداماس يىسكە شاعىمدانىپ كەلەدى. ساسىق يىستەن ولار تەرەزەلەر مەن ەسىكتەردى اشا المايدى، كەيبىرى ۇيىنەن كەتۋگە ءماجبۇر. بۇل ماسەلە تۋرالى infohub.kz حابارلايدى.
جەرگىلىكتى تۇرعىن دانيار ايداربەكوۆتىڭ ايتۋىنشا، جىلى مەزگىلدە شىرىگەن ەت پەن مالدىڭ ىشەك-قارنىنىڭ ءيىسى شىداماستاي بولادى. «بۇل ماسەلە ەكى-ۇش جىلدان بەرى سوزىلىپ كەلەدى. جىلىمىق ءتۇسىپ، جاز كەلگەندە جەل سوقسا بولدى — ءبىتتى. مۇندا تۇنشىعىپ وتىرمىز. شىرىك ءيىسى. مالدىڭ ىشكى مۇشەلەرى، تەرىسى ءشىريدى. بۇل — تەزەڭ. بارلىعى ارالاسىپ، كەلەدى»، — دەدى ول. شارۋانىڭ سوزىنشە، ول كەيدە وتباسىمەن اۋىلدى تاستاپ كەتۋگە ءماجبۇر، ساسىق ءيىستى جۇتپاۋ ءۇشىن.
سويىس سەحى جەرگىلىكتى بازار اۋماعىندا جۇمىس ىستەيدى. تۇرعىنداردىڭ ايتۋىنشا، ءيىس بىرنەشە شاقىرىمعا تارايدى. ولار ساسىق ءيىستىڭ كوزىن انىقتاماق بولىپ، مالدىڭ ىشەك-قارنى مەن قالدىقتارى جاي عانا ەدەنگە شاشىلىپ جاتقانىن كورگەن.
مال سويۋ ورنىنىڭ يەلەرى جاعىمسىز ءيىستىڭ مۇنداي وندىرىسكە ءتان ەكەنىن ءتۇسىندىردى. كاسىپورىن 60 جىلدان بەرى جۇمىس ىستەپ، جەرگىلىكتى تۇرعىنداردى ەتپەن قامتاماسىز ەتەدى. بۇرىن شاعىم تۇسپەگەن، سەبەبى جاقىن ماڭدا تۇرعىن ۇيلەر بولماعان. «ءيىس تۋرالى ايتارىم، كەڭەس كەزىندە متف اينالاسىندا سانيتارلىق ايماق بولعان. ءبىراق ءقازىر بۇل سانيتارلىق ايماق تۇرعىندار تاراپىنان ساقتالماي، ولار جاقىنداپ كەتتى. وزدەرىڭىز كوردىڭىزدەر، قورشاۋىمىزعا تاياۋ ۇيلەر تۇرعىزىلعان. ارينە، بۇل جەردە ءوندىرىس، مال بار. بۇنى پارفيۋمەريا فابريكاسى دەپ ايتۋعا بولمايدى. ءيىس بولۋى مۇمكىن، ءبىراق بۇل تابيعي ءيىس»، — دەدى بازار اكىمشىسى باقىتجان بەكمۇراتوۆ.
كوپتەگەن شاعىمداردان كەيىن مال سويۋ ورنىنا تەكسەرۋ جۇرگىزىلدى. يەلەرى سانيتارلىق نورمالاردى بۇزعانى انىقتالدى: مال قالدىقتارى ەكى كۇندەي شىعارىلماعان. وسى ءۇشىن ولارعا ايىپپۇل سالىندى. بۇزۋشىلىقتار جويىلدى، ءبىراق ءيىس ءالى دە سەزىلەدى. پانفيلوۆ اۋىلدىق وكرۋگى اكىمىنىڭ ورىنباسارى ارسەن قۇرمانقازيەۆ: «ءبىز 20-سى كۇنى سول جەرگە باردىق. اكىم، ۆەتەرينارلىق ينسپەكتور، باسقارما باستىعى، پوليسيا بولدى. بارىپ، تەكسەرىپ، جەتى كۇنگە نۇسقاما بەردىك، جويۋ ءۇشىن. سودان كەيىن ايىپپۇل سالدىق، ءدال ۆەتەرينارلىق ينسپەكسيا سالدى. ءيىستىڭ بولعانى ءۇشىن»، — دەدى.
يەلەرى بۇزۋشىلىق قوقىس پوليگونىنداعى ورتكە بايلانىستى بولعانىن، قالدىقتاردى ۋاقىتشا مال سويۋ ورنىنىڭ اۋماعىندا قالدىرعانىن ءتۇسىندىردى. ولار مۇنداي جاعدايدىڭ قايتالانبايتىنىنا ۋادە بەرىپ، جاعىمسىز يىسپەن كۇرەس شارالارىن ازىرلەگەندەرىن مالىمدەدى.