الماتى وبلىسىندا نارىقتىق قۇنى 127 676 000 تەڭگە بولاتىن م ۇلىك كەشەنىنە قاتىستى ازاماتتىق داۋ سوت ۇكىمىنسىز شەشىلدى — تاراپتار مەدياتيۆتىك كەلىسىمگە كەلدى، دەپ حابارلايدى infohub.kz سايتى.
الماتى وبلىسى سوتتارىنىڭ رەسمي Telegram-ارناسىندا جازىلعانداي، ىلە اۋداندىق سوتى تالاپ قويۋشىنىڭ جاۋاپكەرگە م ۇلىكتى يەلەنۋ ءتارتىبى تۋرالى ارىزى بويىنشا ءىستى قارادى.
ءىستى دايىنداۋ بارىسىندا سوت قاتىسۋشىلارعا مەدياسيانىڭ ارتىقشىلىقتارىن جانە داۋدى كەلىسسوزدەر مەن ءوزارا جەڭىلدىكتەر ارقىلى رەتتەۋ مۇمكىندىگىن ءتۇسىندىردى.
سوت تالقىلاۋىن جالعاستىرۋدىڭ ورنىنا تاراپتار كەلىسسوز جولىن تاڭداپ، ەكى جاققا دا قولايلى شارتتاردى وزدەرى ايقىندادى. ناتيجەسىندە ىمىراعا كەلىندى: م ۇلىكتى ساتۋدىڭ باستاپقى باعاسى 110 ملن تەڭگە، ەڭ تومەنگىسى — 80 ملن تەڭگە، ال بىرلەسىپ ساتۋ مەرزىمى 9 اي دەپ بەلگىلەندى.
ءار تاراپ الەۋەتتى ساتىپ الۋشىلاردى ءوز بەتىنشە ىزدەۋگە جانە قاجەت بولعان جاعدايدا ريەلتورلىق اگەنتتىكتەردى تارتۋعا قۇقىلى بولدى. وسىلايشا، داۋعا قاتىسۋشىلار تەك داۋلى م ۇلىكتىڭ تاعدىرىن كەلىسىپ قانا قويماي، ونى ساتۋ ۇدەرىسىنە ىقپال ەتۋ مۇمكىندىگىن دە ساقتاپ قالدى.
مەدياتيۆتىك كەلىسىمدى بەكىتۋگە بايلانىستى تالاپ قويۋشىعا 638 380 تەڭگە مولشەرىندەگى مەملەكەتتىك باج قايتارىلدى.
سوت ۇيعارىمى زاڭدى كۇشىنە ەندى.