الماتى وبلىسى قاراساي اۋدانىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى الەۋمەتتىك جەلىلەردە تاراعان رەزونانستى بەينەجازبانىڭ كەيىپكەرلەرىنە قاتىستى اكىمشىلىك ءىس بويىنشا شەشىم شىعاردى، دەپ حابارلايدى infohub.kz سايتى.
ءىس ماتەريالدارىنا سايكەس، بەينەروليكتەگى تۇلعالار قوعامدىق ورىندا ءجۇرىپ، اينالاسىنداعىلارعا اشىق تۇردە قۇرمەتسىزدىك تانىتىپ، قوعامدىق ءتارتىپ پەن ازاماتتاردىڭ تىنىشتىعىن بۇزاتىن ارەكەتتەر جاساعان.
بەينەجازبا قازنەتتە تەز تارالىپ، قۇقىق قورعاۋ ورگاندارىنىڭ نازارىنا ىلىككەن. سوت وتىرىسىندا ءىس ماتەريالدارى مەن بەينەجازبانى ساراپشىلار مەن سۋديا زەردەلەپ، ازاماتتاردىڭ ارەكەتتەرىنە ءتيىستى قۇقىقتىق باعا بەردى.
سوت بەينەجازباعا قاتىسۋشىلاردى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنىڭ 1-بولىگى بويىنشا ۇساق بۇزاقىلىق جاساعانى ءۇشىن كىنالى دەپ تانىدى.
«سوت قاۋلىسىمەن ازاماتتار ق ر اقبتك-نىڭ 434-بابىنىڭ 1-بولىگى بويىنشا كىنالى دەپ تانىلدى. ولارعا وسى باپتىڭ سانكسياسىندا كوزدەلگەن ەڭ جوعارى جازا — 10 تاۋلىك اكىمشىلىك قاماۋ تاعايىندالدى»، — دەدى قاراساي اۋدانىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ ءباسپاسوز قىزمەتى.
سوت قاۋلىسى ازىرگە زاڭدى كۇشىنە ەنبەدى جانە زاڭدا بەلگىلەنگەن تارتىپپەن شاعىمدانۋعا بولادى.