الماتى وبلىسىنداعى «شالقودە»، «شۇبارتال»، «بايىنكول» جانە «كوككەمەر» جايلاۋلارىنا 95 كم جول تارتىلادى. كەيبىر ۋچاسكەلەر وسى جىلدىڭ سوڭىنا دەيىن تاپسىرىلسا، قالعان جوبالار 2027 جىلعا قاراي اياقتالادى، دەپ حابارلايدى infohub.kz سايتى.
«كوككەمەر» جايلاۋىنا كىرەبەرىستەگى 21 شاقىرىمدىق جول ۋچاسكەسىنە ورتاشا جوندەۋ جۇرگىزىلىپ جاتىر. جۇمىسقا 10 تەحنيكا مەن 25 مامان جۇمىلدىرىلدى. بۇگىندە جۇمىستىڭ 30%-ى ورىندالدى، جوندەۋدى كەلەسى جىلى ءبىتىرۋ جوسپارلانىپ وتىر.
«كوككەمەر» جايلاۋىنا اسفالت توسەلۋى تەڭىز دەڭگەيىنەن 3،6 مىڭ مەتر بيىكتىكتە ورنالاسقان «تەكەس» سارقىراماسىنا بارار جولدى دا جەڭىلدەتپەك.
اتاقتى «شالقودە» جايلاۋىنا كىرەبەرىستەگى جولدى ورتاشا جوندەۋ ۇزىندىعى 32،5 كم. 26 كم جول اسفالت توسەۋگە دايىن، 10 سۋ وتكىزۋ قۇبىرى اۋىستىرىلىپ، 4 كم اسفالت جابىندىسى توسەلدى. اباتتاندىرۋ جارتىسىنان استامى ورىندالدى، تولىق جوندەۋ جىل سوڭىنا دەيىن بىتەدى.
«شۇبارتال» جايلاۋى دا ءتۋريزمدى دامىتۋ ءۇشىن ايتارلىقتاي الەۋەتكە يە. مۇندا ۇزىندىعى 28،5 كم جول سالىنىپ جاتىر»، — دەدى اكىمدىكتە.
«بايىنكول» اڭعارىنا 13 شاقىرىمدىق جول ۋچاسكەسى تارتىلۋدا. رەكونسترۋكسيا 30%-عا اياقتالدى. جول بويىنا تۇراقتار جاسالادى. جوبانى اياقتاۋ 2027 جىلعا جوسپارلانعان.
وبلىس اكىمدىگىندە جوبالاردىڭ جۇزەگە اسۋى وڭىردەگى ءتۋريزمنىڭ دامۋىنا سەرپىن بەرەتىنىنە سەنىمدى.
بۇعان دەيىن «كۋرسيۆ» تۋريستەرگە الماتىنىڭ ەڭ كورىكتى جەرلەرىنىڭ بىرىنە بارۋ قيىندايتىنىن جازعان بولاتىن.