الماتى وبلىسىندا تاۋعا ساياحاتتاۋ كەزىندە ەر ادام باس جاراقاتىن الىپ، وعان قۇتقارۋشىلار مەن دارىگەرلەردىڭ كومەگى قاجەت بولدى، دەپ حابارلايدى infohub.kz سايتى.
تجم ءباسپاسوز قىزمەتىنىڭ مالىمەتىنشە، وقيعا تەررا الاڭىنىڭ ماڭىندا، تەڭىز دەڭگەيىنەن 2610 مەتر بيىكتىكتە بولعان. ەر ادام جارتاستان قۇلاپ، جىراعا تۇسكەن. قۇتقارۋشىلارعا جۇگىنگەن ادام قۇلاعاننان كەيىن زارداپ شەگۋشىنىڭ ەسىنەن تانىپ قالعانىن ايتقان.
قۇتقارۋ جۇمىستارىن جۇرگىزۋ ءۇشىن وقيعا ورنىنا ق ر تجم «بارىس» رەسپۋبليكالىق قۇتقارۋ جاساعىنىڭ جانە الماتى قالاسى اكىمدىگىنىڭ مونيتورينگ جانە جەدەل دەن قويۋ ورتالىعىنىڭ قۇتقارۋشىلارى جىبەرىلدى.
«قۇتقارۋشىلار پروحودنوە شاتقالى ارقىلى تاۋ مارشرۋتىمەن جاياۋ وتۋگە ءماجبۇر بولدى. زارداپ شەگۋشىگە جەتكەن ولار ونى جىرادان تاۋىپ، دەرەۋ العاشقى مەديسينالىق كومەك كورسەتتى. قۇلاۋ سالدارىنان ەر ادام تاسقا سوعىلىپ، باس جاراقاتىن العان. قۇتقارۋشىلار ونىڭ جاعدايىن تۇراقتاندىرىپ، ەۆاكۋاسياعا دايىندادى»، — دەدى ۆەدومستۆودا.
زارداپ شەگۋشى تاۋلى ايماقتان ءقاۋىپسىز شىعارىلىپ، ونى اپاتتار مەديسيناسى ورتالىعىنىڭ قىزمەتكەرلەرىنە تاپسىرىپ، ودان ءارى تەكسەرۋ جانە قاجەتتى كومەك كورسەتۋ ءۇشىن №12 قالالىق كلينيكالىق اۋرۋحاناعا جەتكىزدى.
تجم Instagram-دا ىزدەۋ-قۇتقارۋ وپەراسياسىنىڭ قالاي وتكەنىن كورسەتتى.