الماتىدا قۇرمانعازى اتىنداعى قازاق ۇلتتىق حالىق اسپاپتار وركەسترىنىڭ ورىنداۋىنداعى شىعارمالار ءروبوت-ديريجوردىڭ باسقارۋىمەن سويلەدى. بۇل تۋرالى مادەنيەت جانە اقپارات مينيسترلىگىنە سىلتەمە جاساپ، infohub.kz سايتى حابارلايدى.
ۆەدومستۆونىڭ Telegram-ارناسى مالىمدەگەندەي، جاساندى ينتەللەكت پەن زاماناۋي تەحنولوگيالار ۇجىمنىڭ 93-كونسەرتتىك ماۋسىمىن اشۋدىڭ ءبىر بولىگىنە اينالدى.
«باعدارلامانىڭ باستى ەلەمەنتتەرىنىڭ ءبىرى — ءروبوت-ديريجور. ونىڭ باسقارۋىمەن وركەستر شىعارمالاردى ورىندادى. شىعارماشىلىق ەكسپەريمەنت ۇلتتىق وركەستردىڭ ءداستۇرلى ءۇنى مەن زاماناۋي تەحنولوگيالاردى ۇشتاستىردى»، — دەلىنگەن حابارلامادا.
الماتىداعى كونسەرت قالا كۇنىنە ارنالدى. باعدارلاماعا قازاق اسپاپتىق مۋزىكاسىنىڭ تۋىندىلارى، الەمدىك كلاسسيكا جانە الماتى تۋرالى اندەر ەندى.
وركەستر قۇرمانعازىنىڭ «تۇرمەدەن قاشقان»، «سەرپەر»، «اداي» جانە «سارىارقا» كۇيلەرىن، سونداي-اق ن. ءاشىروۆتىڭ احمەت جۇبانوۆقا ارناعان «فانتازياسىن» ورىندادى. كلاسسيكالىق ءبولىمدى يوگاننەس برامس، فەرەنس ليست جانە يوگانن شتراۋس شىعارمالارى قۇرادى.
جەكە بلوك الماتىعا ارنالدى. الەكساندر زاسەپيننىڭ «الماتىم مەنىڭ» جانە ەسكەندىر حاسانعاليەۆتىڭ «الماتىنىڭ الماسى» اندەرى سويلەدى.