26 شىلدەدە الماتى-وسكەمەن تاس جولىندا ءۇش كولىك قاتىسقان ءىرى جول اپاتى بولدى. سالدارىنان جاراقاتتانعاندار بار، دەپ حابارلايدى infohub.kz.
اپات اۆتوجولدىڭ 474ء-شى شاقىرىمىندا بولدى. الدىن الا مالىمەتتەر بويىنشا، Kia Sportage كولىگىنىڭ جۇرگىزۋشىسى قارسى جولاققا شىعىپ، Toyota Highlander-مەن سوقتىعىسقان. سوقتىعىستان كەيىن ءبىر باعىتتا كەلە جاتقان Lexus كولىگىمەن تاعى ءبىر سوقتىعىس ورىن الدى.
«الدىن الا دەرەكتەر بويىنشا، Kia Sportage اۆتوكولىگىنىڭ جۇرگىزۋشىسى قارسى جولاققا شىعىپ، Toyota Highlander اۆتوكولىگىمەن سوقتىعىسقان، ودان كەيىن ءبىر باعىتتا كەلە جاتقان Lexus كولىگىمەن سوقتىعىسقان»، – دەپ حابارلادى پوليسيا.
وقيعا ورنىندا پوليسيا قىزمەتكەرلەرى، تجم بولىمشەلەرى مەن جەدەل جاردەم بريگادالارى جۇمىس ىستەۋدە. جاراقاتتانعانداردىڭ سانى ناقتىلانىپ جاتىر، دارىگەرلەر زارداپ شەككەندەردىڭ بارلىعىنا قاجەتتى كومەك كورسەتۋدە.
«تەكسەرۋ قورىتىندىسى بويىنشا قولدانىستاعى زاڭناماعا سايكەس پروسەسسۋالدىق شەشىم قابىلدانادى»، – دەپ قوستى پوليسيا.