الماتىدا پوليسيا وتباسىلىق جانجالعا بايلانىستى تەرگەۋ جۇرگىزۋدە. جانجال سالدارىنان ايەل كومەك سۇراپ جۇگىنگەن. اقساي شاعىن اۋدانىنىڭ تۇرعىنى جانجال كەزىندە كۇيەۋىنىڭ وعان دەنە جاراقاتىن سالىپ، كەيىن قاشىپ كەتكەنىن ايتتى. بۇل تۋرالى infohub.kz سايتى حابارلايدى.
102 پۋلتىنە حابارلاما ءتۇستى. وقيعا ورنىنا العاشقى بولىپ اۋەزوۆ اۋدانىنىڭ ۋچاسكەلىك پوليسيا ينسپەكتورى كەلدى. ءتارتىپ ساقشىسى ارىزدانۋشىنى تىڭداپ، بولعان وقيعانىڭ ءمان-جايىن انىقتاپ، ودان ارىز قابىلدادى. وسىدان كەيىن جەدەل بولىمشەلەردىڭ قىزمەتكەرلەرى جۇمىسقا كىرىسىپ، كۇدىكتىنىڭ ورنالاسقان جەرىن انىقتاۋ شارالارىن قولدانۋدا.
پوليسيا دەپارتامەنتى قىسقا مەرزىمدە ەر ادامنىڭ ورنالاسقان جەرى انىقتالىپ، ونىڭ ۇستالاتىنىن مالىمدەدى. دەنە جاراقاتىن سالۋ فاكتىسى بويىنشا تەرگەۋ جۇرگىزىلىپ، وقيعانىڭ بارلىق ءمان-جايى انىقتالۋدا. ۆەدومستۆو جانجالدىڭ ءاربىر قاتىسۋشىسىنىڭ ارەكەتىنە قۇقىقتىق باعا بەرىلەتىنىن اتاپ ءوتتى.
پوليسيا وتباسىلىق-تۇرمىستىق زورلىق-زومبىلىقتىڭ قۇقىق بۇزۋشىلىق ەكەنىن جانە ول ءۇشىن جاۋاپكەرشىلىك قاراستىرىلعانىن ەسكە سالادى. دەپارتامەنت زاڭنامانىڭ بۇل سالادا ايتارلىقتاي قاتاڭداتىلعانىن جانە ءاربىر وسىنداي سيگنال پوليسيانىڭ ەرەكشە باقىلاۋىندا ەكەنىن اتاپ ءوتتى.