الماتىلىق تۇرعىن وزەن بويىندا سەرۋەندەپ ءجۇرىپ، قارۋعا ۇقساس زاتتار سالىنعان قاپتى تاۋىپ الدى. بۇل تۋرالى NUR.KZ جانە الماتى قالالىق پوليسيا دەپارتامەنتىنە سىلتەمە جاساعان infohub.kz حابارلايدى.
الماتى پوليسيا دەپارتامەنتىنىڭ مالىمەتىنشە، وقيعا قالانىڭ تۇركسىب اۋدانىندا بولعان. جولدان ءوتىپ بارا جاتقان ەر ادام قارۋعا ۇقساس زاتتار سالىنعان قاپتى بايقاپ، بىردەن 102 پۋلتىنە حابارلاعان. وقيعا ورنىنا جەدەل تەرگەۋ-جەدەل توبى كەلىپ، ءقاۋىپتى زات قاجەتتى قاۋىپسىزدىك شارالارىمەن الىنعان.
الىنعان زاتتار سوت-بالليستيكالىق ساراپتاماعا جىبەرىلگەن. تۇركسىب اۋدانى پوليسيا قىزمەتكەرلەرى ولاردىڭ شىعۋ تەگى مەن تيەسىلىگىن انىقتاپ، بۇرىن جاسالعان قىلمىستارمەن بايلانىسىن تەكسەرەتىنى ءمالىم بولدى.
الماتى پوليسياسى قىراعى ازاماتقا العىس ءبىلدىرىپ، ءدال وسىنداي ۋاقتىلى حابارلامالار ىقتيمال قاۋىپتەردىڭ الدىن الۋعا جانە قوعامدىق قاۋىپسىزدىكتى قامتاماسىز ەتۋگە مۇمكىندىك بەرەتىنىن اتاپ ءوتتى.