الماتىدا پاترۋلدىك پوليسيا قىزمەتكەرلەرى توقتاۋ تالابىن ورىنداماعان Toyota Camry كولىگىنىڭ جۇرگىزۋشىسىن قۋعىنعا سالدى، دەپ حابارلايدى infohub.kz سايتى.
الماتى قالالىق پوليسيا دەپارتامەنتىنىڭ Instagram پاراقشاسىندا ءمالىم ەتكەندەي، تۇنگى ساعات ەكى شاماسىندا پاترۋلدىك ەكيپاج تولە بي داڭعىلى مەن اۋەزوۆ كوشەسىنىڭ قيىلىسىنان ءوتىپ بارا جاتقان Toyota Camry جۇرگىزۋشىسىنەن توقتاۋدى تالاپ ەتكەن. الايدا ەر ادام تالاپتى ەلەمەي، قاشىپ كەتپەك بولعان. ءسويتىپ قۋعىن باستالدى.
«جۇرگىزۋشى كولىكتى تۇيىق جولعا بۇرىپ، كولىگىن تاستاپ، جاياۋ قاشۋعا ارەكەتتەندى. پوليسەيلەر ونى دەرەۋ قورشاۋعا الىپ، ۇستادى. مۇنداي ارەكەتتىڭ سەبەبى مەديسينالىق كۋالاندىرۋ كەزىندە انىقتالدى: ەر ادام كولىكتى الكوگولدىك ماساڭ كۇيدە باسقارعان. ساراپتاما ورتاشا دارەجەنى انىقتادى»، — دەپ اتاپ ءوتتى پوليسيادا.
جۇرگىزۋشىگە قاتىستى زاڭدا كوزدەلگەن شارالار قولدانىلعانى بەلگىلى.
الماتى پوليسيا دەپارتامەنتى سوڭعى ەكى تاۋلىكتە قالادا كولىكتى ماساڭ كۇيدە باسقارعان 31 جۇرگىزۋشىنىڭ ۇستالعانىن قوستى.