الماتى پوليسيا دەپارتامەنتى بەيتانىس ايەلگە شابۋىل جاساۋى مۇمكىن ەر ادامدى ىزدەستىرۋدە، دەپ حابارلايدى infohub.kz سايتى.
ەgovpress Instagram پاراقشاسىندا جاريالانعان بەينەجازبادا ەر ادام ايەلدى ۇستاپ الىپ، ونىمەن بىرگە ەدەنگە قۇلاعانى، كەيىن كۋاگەرلەردىڭ ايەلدى قورعاپ قالعانى كورىنەدى.
«الماتى پوليسەيلەرى بەيتانىس ايەلگە شابۋىل جاساعان بەلگىسىز ەر ادامدى ىزدەستىرۋدە. زارداپ شەككەن ايەل وسى ادامدى تانيتىنداردان ونىڭ دەرەكتەرىن پوليسياعا حابارلاۋدى سۇرايدى»، — دەلىنگەن بەينەجازبا سيپاتتاماسىندا.
NUR.KZ ءتىلشىسى الماتى پوليسيا دەپارتامەنتىنىڭ ءباسپاسوز قىزمەتىنە ساۋال جولدادى.
«ايەلگە فيزيكالىق كۇش قولدانىلعانى تۇسىرىلگەن بەينەجازبا بويىنشا اۋەزوۆ اۋدانى پوليسيا باسقارماسى تەرگەۋ جۇرگىزۋدە. ايەلدىڭ جەكە باسى انىقتالدى، ءقازىر ول پوليسيادا جانە جاۋاپ بەرۋدە. بۇعان دەيىن ول وسى دەرەك بويىنشا پوليسياعا ارىزدانباعان. قازىرگى تاڭدا بەينەجازبادا تۇسىرىلگەن ەر ادامنىڭ ورنالاسقان جەرى انىقتالۋدا»، — دەپ جاۋاپ بەردى دەپارتامەنتتە.
پوليسيا ەر ادامنىڭ ارەكەتىنە قاعيداتتى قۇقىقتىق باعا بەرىلەتىنىن جانە ول زاڭدا بەلگىلەنگەن تارتىپپەن جاۋاپكەرشىلىككە تارتىلاتىنىن ۋادە ەتتى.