الماتىدا تۇنگى ۋاقىتتا جول قوزعالىسى ەرەجەلەرىن بۇزۋشىلىقتاردىڭ الدىن الۋ كۇشەيتىلدى — رەيدتەر بارىسىندا 550-گە جۋىق بۇزۋشىلىق انىقتالدى، دەپ حابارلايدى infohub.kz سايتى.
NUR.KZ اگەنتتىگى ىشكى ىستەر مينيسترلىگىنە سىلتەمە جاساپ حابارلاعانداي، ءتارتىپ ساقشىلارى موتوكولىككە — موتوسيكل مەن موپەدتەرگە، سونداي-اق تۇنگى ۋاقىتتا ءجيى تىركەلەتىن بۇزۋشىلىقتارعا ەرەكشە نازار اۋداردى.
تەكسەرۋ جۇرگىزۋ ءۇشىن جول قاۋىپسىزدىگى قىزمەتىنىڭ، پاترۋلدىك پوليسيانىڭ جانە اۋداندىق پوليسيا بولىمشەلەرىنىڭ قىزمەتكەرلەرىنەن 10 ءموبيلدى توپ قۇرىلدى.
رەيدتىك ءىس-شارالار بارىسىندا بارلىعى 544 جول قوزعالىسى ەرەجەسىن بۇزۋشىلىق انىقتالدى. انىقتالعان فاكتىلەردىڭ ىشىندە — كولىكتى ماس كۇيىندە باسقارۋدىڭ 18 جاعدايى. مانەۆرلەۋ ەرەجەلەرىن بۇزعانى ءۇشىن 46 جۇرگىزۋشى جاۋاپكەرشىلىككە تارتىلدى، 7 جاعدايدا اپاتتىق جاعداي تۋعىزۋ تىركەلدى.
موتوكولىككە ەرەكشە نازار اۋدارىلدى: 13 موپەد پەن 5 موتوسيكل ارنايى ايىپپۇل تۇراعىنا قويىلدى. سونىمەن قاتار، كوشەلەردەن كيكشەرينگ كومپانيالارىنىڭ 58 ەلەكتروساموكاتى الىندى.
«جول قوزعالىسىنىڭ قاۋىپسىزدىگى تاۋلىك ۋاقىتىنا تاۋەلدى ەمەس. اسىرەسە، تۇنگى ۋاقىتتا جەكەلەگەن جۇرگىزۋشىلەر جىلدامدىقتى اسىرىپ، ءقاۋىپتى مانەۆرلەر جاساپ، كولىكتى ماس كۇيىندە باسقارىپ نەمەسە بەلگىلەنگەن تالاپتاردى بۇزا وتىرىپ پايدالانۋعا جول بەرەتىنىن ەسكەرۋ قاجەت. سوندىقتان ءبىز ءدال تۇنگى ساعاتتاردا باقىلاۋدى كۇشەيتتىك. ءبىرىنشى كەزەكتە ءبىزدىڭ مىندەتىمىز — جولداعى ءقاۋىپتى مىنەز-ق ۇلىقتىڭ الدىن الۋ جانە جكو-عا جول بەرمەۋ»، — دەدى الماتى قالاسى پد ءاقب باسقارماسىنىڭ باستىعى ابدينۋر تاسىبايەۆ.